ەلوردامىزدىڭ 25 جىلدىعىنا وراي «Family» ساياباعىندا مەرەكەلىك كونسەرت ءوتتى، دەپ حابارلايدى الماتى اقشامى.
اۋەزوۆ اۋدانى اكىمدىگىنىڭ قولداۋىمەن ۇيىمداستىرىلعان كونسەرتتىڭ باستى ماقساتى - وسكەلەڭ ۇرپاقتى وتانسۇيگىشتىككە تاربيەلەۋ.
مەرەكەلىك كونسەرتتى تاماشالاۋعا قالا تۇرعىندارى وتباسىلارىمەن كەلدى. سونىمەن قاتار، مۇندا جاستار، قالامىزدىڭ قوناقتارى جانە وزگە دە اۋدان تۇرعىندارى باس قالامىزدىڭ كۇنىن بىرگە اتاپ ءوتتى.
مەرەيتويدا سەيفۋللين جولبارىس، اباي بەگەي سياقتى قازاق ەستراداسىنىڭ جۇلدىزدارى ونەر كورسەتتى. سونداي-اق، «7 چۋدەس سۆەتا» تەاترىنىڭ بۇلدىرشىندەرى پاتريوتتىق اندەر تارتۋ ەتتى.
ساحنادا ونەر كورسەتكەن انشىلەر مەن بيشىلەرگە كورەرمەندەر العىس ايتتى. ءبارى بىرگە اندەتىپ، بيلەپ مەرەكەنى تويلادى. ءبارىنىڭ جۇزىندە مەرەكەلىك كوڭىل-كۇي، بولاشاققا سەنىم بار.
استانامىز جارقىن بولاشاققا دەگەن ءۇمىتتىڭ، تاۋەلسىزدىكتىڭ سيمۆولى. ەندەشە ەگەمەندىگىمىز مىڭ جىلدىق بولسىن.