8 ناۋرىزداعى مەرەكە كۇنى ەل بويىنشا جەدەل جاردەم بريگادالارى 103 ديسپەچەرلىك قىزمەتىنىڭ پۋلتىنە كەلىپ تۇسكەن 22،7 مىڭ شاقىرتۋعا قىزمەت كورسەتتى.
ونىڭ ىشىندە 1147 شاقىرتۋ ءبىرىنشى ساناتقا، 6723 - ەكىنشى ساناتقا، 6220 ءۇشىنشى ساناتقا جانە ءتورتىنشى سانات بويىنشا ەمحانالار جانىنداعى بريگادالار 8624 شاقىرتۋعا قىزمەت كورسەتتى، دەپ حابارلايدى aqshamnews.kz.
ەڭ كوپ شاقىرتۋلار تۇركىستان وبلىسى، شىمكەنت، الماتى، استانا قالالارىندا، ودان كەيىن جامبىل جانە الماتى وبلىستارىندا تىركەلدى.
بۇل كۇنى اۋىر دياگنوزى بار پاسيەنتتەرگە 15 تەلەمەديسينالىق كونسۋلتاسيا بەرىلدى، سانيتاريالىق اۆياسيا ءبىر رەت ۇشۋدى جۇزەگە اسىردى. جەدەل كورونارلىق سيندرومى بار ەر ادام ساناۆياسيا بورتىمەن قۇرمانعازى كەنتىنەن اتىراۋ وبلىستىق اۋرۋحاناسىنا جەتكىزىلدى.
قازىرگى ۋاقىتتا ەل بويىنشا جەدەل مەديسينالىق جاردەم قىزمەتىن 20 دەربەس ستانسيا، 98 قالالىق كىشى ستانسيا جانە 232 اۋداندىق بولىمشە ۇسىنادى.
وبلىستىق جانە قالالىق جەدەل جاردەم ستانسيالارىندا ءبىر اۋىسىمدا 1 491 كوشپەلى بريگادا جۇمىس ىستەيدى، مساك (ەمحانا) ۇيىمدارىنىڭ جانىنداعى شۇعىل 4-ساناتتاعى شاقىرتۋلارعا قىزمەت كورسەتۋ ءۇشىن 446 بريگادا جۇمىس ىستەيدى.