الماتىدا جالپى رەسپۋبليكالىق «تازا قازاقستان» باعدارلاماسى جانە «الماتى – ءبىزدىڭ ورتاق ءۇيىمىز» قالالىق ناۋقانى اياسىندا ۇيىمداستىرىلعان «تازا ساياباقتار مەن سكۆەرلەر» اپتالىعى باستالدى، دەپ حابارلايدى aqshamnews.kz.
ءىس-شارانىڭ ماقساتى-تازالىقتى ساقتاۋ، كوگالداندىرۋ، قوعامدىق كەڭىستىكتەردى اباتتاندىرۋ جانە تۇرعىنداردى قالانى بىرلەسىپ تازارتۋعا تارتۋ.
اعىمداعى جىلدىڭ 10-16 ناۋرىزى ارالىعىندا الماتىدا ساياباقتاردا، سكۆەرلەردە، وزەن جاعالاۋلارىندا اۋقىمدى ەكولوگيالىق اكسيالار وتەدى. قوقىستاردى جيناۋ، ارىقتاردى تازارتۋ، اعاشتار مەن بۇتالاردى وتىرعىزۋ، اباتتاندىرۋدىڭ جاڭا ەلەمەنتتەرىن ورناتۋ جوسپارلانۋدا. اپتا اياسىندا ەكولوگيالىق اكسيالار (بلوگينگ، مەرزىمى وتكەن دارى-دارمەكتەردى تاپسىرۋ جانە ت.ب.)، قالدىقتاردى بولەك جيناۋ بويىنشا ءبىلىم بەرۋ دارىستەرى مەن شەبەرلىك سىنىپتارى ۇيىمداستىرىلادى.
اۋماقتى جيناۋ اكسياسىمەن قالانىڭ 445 ساياباعى مەن سكۆەرلەرى، سونداي-اق ەسەنتاي، كىشى الماتى، قارعالى، بورالداي، اقساي، جاربۇلاق، تءىكساي، قاراسۋ، ەرەمەنساي، تاستىبۇلاق، كەرەن قۇلاق وزەندەرىنىڭ جاعالاۋلارى قامتىلادى، بەكەنباي، ءابىلعازى، بوتبايساي، شىبىنساي، تەرىسبۇلاق، بەدەلباي، ءاۋەجاي، ۇاك، م2 جانە م1 كانالدارى.
«الماتى – ءبىزدىڭ ورتاق ءۇيىمىز» ناۋقانى ەكولوگيالىق حاباردارلىقتى ارتتىرۋعا جانە قالا تۇرعىندارى اراسىندا قورشاعان ورتاعا جاۋاپكەرشىلىكپەن قاراۋدى قالىپتاستىرۋعا باعىتتالعان.