«Kitap Fest» كىتاپ فەستيۆالى ‒ بۇل جىل سايىن ەلىمىزدەگى ءىرى مەگاپوليستە كىتاپ سۇيەر قاۋىمدى ءبىر مەزەتتە قاۋىشتىراتىن الماتىلىقتاردىڭ ومىرىندەگى ايتۋلى مادەني-بۇقارالىق شارا. 2014 جىلدان بەرى وتكىزىلىپ كەلە جاتقان جوبا بيىل ءوزىنىڭ 10 جىلدىق مەرەيتويىن اتاپ وتكەلى جاتىر. بيىلعى فەستيۆال جىلداعىداي قالا كۇنىنە ورايلاستىرىلعان!
«Kitap Fest» ‒ قازاقستانداعى العاشقى جانە بۇگىنگى كۇنگە دەيىن ەڭ ءىرى كىتاپ دۋمانى سانالادى. 10 جىل ىشىندە فەستيۆالگە 70-تەن استام باسپالار مەن كىتاپ دۇكەندەرى قاتىسىپ، بەلگىلى قازاقستاندىق اۆتورلار مەن باسپالاردىڭ قاتىسۋىمەن 500-گە جۋىق كىتاپ تانىستىرىلدى.
بيىلعى جىلى «Kitap Fest Almaty» باعدارلاماسى ەرەكشە. فەستيۆال ەكى كۇن قاتارىنان وتەدى. تاقىرىبى دا زاماناۋي «كەلەشەك كىتابى».
ەكى كۇن بويى كەلۋشىلەردى اۋقىمدى مادەني باعدارلاما، قازاقستاندىق جازۋشىلارمەن جانە تانىمال تۇلعالارمەن كەزدەسۋ، كىتاپ الماسۋ، كوپتەگەن جاڭا كىتاپتاردىڭ تۇساۋكەسەرى، كىتاپتار كورمەسى، شەبەرلىك سىنىپتارى، بايقاۋلار، ولەڭ وقۋ، بالالارعا ارنالعان تانىمدىق باعدارلاما، مۇنىمەن قوسا وتاندىق باسپاگەرلەر مەن كىتاپ دۇكەندەرىنىڭ قاتىسۋىمەن وتەتىن ۇلكەن كىتاپ جارمەڭكەسى كۇتەدى.
سونىمەن قاتار، فەستيۆالدە ءداستۇرلى «اۋىلعا كىتاپ» اكسياسى وتەدى، وندا كەز كەلگەن ادام كىتاپتى قازاقستاننىڭ اۋىلدىق كىتاپحانالارىنا تاپسىرا الادى.
KitapFest Almaty 2024 اياسىندا:
• «جازۋشىلار شاتىرى». جاڭا كىتاپتاردىڭ تۇساۋكەسەرى، اۆتورلار مەن جازۋشىلارمەن سۇحبات.
• «قازاق قالامگەرلەرى». قازاق ءتىلدى جازۋشىلاردىڭ وتاندىق ادەبيەتتىڭ دامۋى تۋرالى باياندامالارى.
• «ZHAS ALASH» شاتىرى. قازىرگى قوعامنىڭ جاس كوشباسشىلارى كىتاپ وقۋدىڭ پايداسى تۋرالى پىكىر ايتىپ، سۇيىكتى شىعارمالارىمەن بولىسەدى.
• «Kitap FEST WOMEN» شاتىرى. ءار ءتۇرلى سالادا جەتىستىككە جەتكەن ايەلدەردىڭ دارىستەرى مەن تابىسقا جەتۋدىڭ قۇپيالارى جانە ت. ب.
• كىتاپ جارمەڭكەسى. 60 جەتەكشى باسپا مەن كىتاپ دۇكەندەرى ءوز كىتاپ ونىمدەرىن 40% - عا دەيىنگى جەڭىلدىكپەن ۇسىنادى.
• سيرەك كىتاپتار كورمەسى. قازاقستاننىڭ ۇلتتىق اكادەميالىق كىتاپحاناسىمەن بىرلەسىپ ۇيىمداستىرىلعان كىتاپتار كورمەسى.
• يلليۋستراتورلار كورمەسى. ۇزدىك 35 يلليۋستراتوردىڭ جۇمىسى ۇسىنىلادى.
• «وقىرمان ۇلتتىڭ ۇرپاعىمىز» كورمەسى. مەرەيتويلارى اتاپ وتىلەتىن تۇلعالاردىڭ مۇراعاتتىق فوتوسۋرەتتەرىنەن فوتوكوللاج
• ەلشىلىكتەر كورمەسى - روبوتوتەحنيكا بويىنشا شەبەرلىك سىنىپتارى، speaking club.
• «كىتاپ الماسۋ». ءوز سورەڭىزدى ءارتۇرلى جانرداعى قىزىقتى كىتاپتارمەن تولىقتىرۋدىڭ بىرەگەي مۇمكىندىگى.
• جىر تەراپياسى- جاس اقىنداردىڭ ونەرى، پوەزيا كەشى
• زياتكەرلىك ويىندار – 3 سۇراققا جاۋاپ بەر دە، سىيلىق ۇتىپ ال!
• بالالارعا ارنالعان ويىن-ساۋىق. (انيماتورلار، شەبەرلىك سىنىپتارى، بەت بوياۋى، تاتتىلەر، ءتۇرلى بايقاۋلار).
• ۇتىس ويىندارى-1 ملن تەڭگەگە 100-دەن استام كىتاپ سەرتيفيكاتتارى ويناتىلادى.
• «اۋىلعا كىتاپ» اكسياسى- فەستيۆال اياسىندا بارلىق جينالعان كىتاپ اۋىلدىق مەكتەپتەرگە جىبەرىلەدى.
وتەتىن كۇنى مەن ۋاقىتى: 14-15 قىركۇيەك (ەكى كۇن قاتارىنان)، 10.00-18.00. (كىرۋ تەگىن)
وتەتىن ورنى: الماتى قالاسى، اربات الاڭى
ۇيىمداستىرۋشىلار: «BAURZHAN foundation» قورى الماتى قالاسى اكىمدىگىنىڭ مادەنيەت باسقارماسىنىڭ جانە الماتى قالاسىنىڭ ورتالىقتاندىرىلعان كىتاپحانا جۇيەسىنىڭ قولداۋىمەن.
انىقتاما: BAURZHAN Foundation قورى الەۋمەتتىك جوبالاردى جۇزەگە اسىرۋمەن اينالىسادى. KITAP FEST فەستيۆالىنىڭ ماقساتى-وسكەلەڭ ۇرپاقتىڭ كىتاپقا دەگەن قىزىعۋشىلىعىن ارتتىرۋ، وقىرمان مادەنيەتىن دامىتۋ، جازۋشىلار مەن ولاردىڭ وقىرماندارى ءۇشىن ءبىرىڭعاي الاڭ قۇرۋ.