ون جىلدان استام ۋاقىت بويى قىركۇيەكتىڭ ءار ەكىنشى جەكسەنبىسى قازاقستاندا وتباسى كۇنىن اتاپ وتەدى.
مۇنداعى ماقسات – تاربيەنىڭ باستاۋى – وتباسى ەكەنىن ۇقتىرىپ، ونىڭ قۇندىلىقتارىن ساقتاپ، نىعايتۋ، دەپ حابارلايدى aqshamnews.kz قورعانىس مينيسترلىگىنە سىلتەمە جاساپ.
ەلوردادا وتباسى مۇشەلەرىمەن جۇمىستى ۇيىمداستىرۋ ءبولىمىنىڭ قىزمەتكەرلەرى وتكىزگەن ءونلاين-دارىستىڭ ارقاسىندا اسكەري قىزمەتشىلەر اكەنىڭ بالا تاربيەسىندەگى ءرولىنىڭ قانداي ەكەنىن ءبىلدى.
ءىس-شاراعا اسكەري قىزمەتشىلەردىڭ وتباسىلارى، وڭىرلىك قىزمەت ماماندارى، دارىگەرلەر مەن پسيحولوگتار قاتىستى. قاتىسۋشىلار ويلارىن ورتاعا سالىپ، پىكىرتالاس وتكىزدى.
ۋرولوگ-اندرولوگ ەۆگەنيا لاپينا ماعىنالى ءدارىس وقىدى، ال 36352 اسكەري ءبولىمىنىڭ پسيحولوگى كاپيتان يرينا گيندا ترەنينگ ۇيىمداستىردى.
پسيحولوگ قازىرگى كەزدە ەر ازامات اكە اتانۋعا بالانىڭ اناسىمەن بىردەي بايىپپەن دايىندالۋى كەرەك دەيدى. وعان قوسا اكەسى ءومىرىنىڭ العاشقى كۇندەرىنەن باستاپ كۇتكەن ءسابيدىڭ پسيحيكالىق جانە فيزيكالىق دامۋ دەڭگەيى جوعارى بولاتىنىن، سەزىمتال جانە اكەلەرىنە جاقىن بولىپ وسەتىنىن مىسالعا كەلتىردى.
ەلورداداعى اسكەري قىزمەتشىلەردىڭ وتباسى مۇشەلەرىمەن جۇمىستى ۇيىمداستىرۋ جونىندەگى ءبولىمنىڭ ماماندارى ءوز جۇمىستارىندا وسىنداي شارالاردى ءجيى وتكىزەدى. كەلەسى پراكتيكالىق ساباق «جاقسى اكە بولۋدىڭ بەس جولى» دەگەن اتپەن وتەتىن بولادى.