ماڭعىستاۋداعى پوليگوندا وق ءتيىپ كوز جۇمعان ساربازدىڭ اكەسى بەينەۇندەۋ جاسادى، دەپ حابارلايدى aqshamnews.kz.
ساربازدىڭ اكەسىنىڭ سوزىنشە، قايعىلى جاعداي لەيتەنانت قارۋمەن ويناپ وتىرعاندا بولعان.
جالعىز ۇلىمدى اسكەرگە اتتاندىرىپ ەدىم، ەندى مىنانداي قارالى حابار ەستىپ وتىرمىن. ۇلىمدى بەتىنەن اتىپ ءولتىردى. بۇل ابايسىزدا بولعان جاعداي ەمەس. قارۋ اتىلىپ كەتۋ ءۇشىن ساقتاندىرعىشتان الۋ كەرەك. ابايسىزدا بولعان وقيعا دەيدى، ميعا سىيمايدى. ءقازىر ول قاماۋدا دەيدى، – دەيدى ەر ادام.
اكەسى ءىستىڭ بۇرمالانىپ كەتۋىنەن قورقاتىنىن جەتكىزدى.
بارلىعىن تولىققاندى زەرتتەسە دەيمىن. ءقازىر اقتاۋ قالالىق تەرگەۋ كوميتەتىنە بارامىن. ءارى قاراي ۇلىمنىڭ مايىتىنە ساراپتاما جاسالاتىن ورىنعا بارۋىم كەرەك، – دەپ قوستى ول.