بيىل بايقاۋعا 8 اۋداننان 193 وتباسى قاتىسۋعا نيەت بىلدىرگەن
الماتىداعى الەۋمەتتىك قىزمەتتەر ۇيىندە «مەرەيلى وتباسى-2022» ۇلتتىق بايقاۋىنىڭ كوميسسيا وتىرىسى ءوتتى، دەپ حابارلايدى Almaty-akshamy.kz Almaty.tv-گە سىلتەمە جاساپ.
بيىل بايقاۋعا 8 اۋداننان 193 وتباسى قاتىسۋعا نيەت بىلدىرگەن. ءار اۋداننان وزىپ شىققان جانۇيا الماتى قالاسىنىڭ اتىنان رەسپۋبليكالىق بايقاۋعا جىبەرىلەدى. ۇيىمداستىرۋشىلاردىڭ ايتۋىنشا، «مەرەيلى وتباسى» كونكۋرسىنىڭ سالتاناتتى ماراپاتتاۋ ءراسىمى تامىز ايىنا جوسپارلانعان.
«بۇگىن الماتىدا «مەرەيلى وتباسى» ۇلتتىق كونكۋرسىنىڭ قالالىق كوميسسياسىنىڭ وتىرىسى ءوتتى. جالپى بۇل كونكۋرس 2014 جىلدان بەرى ءوتىپ كەلەدى. الماتى قالاسى جىل سايىن كونكۋرسقا بەلسەندى قاتىسادى. وتە ماڭىزدى دەپ ويلايمىن. ويتكەنى ەلىمىزدە وتباسى قۇندىلىقتارىن ناسيحاتتاۋ، ۇلگىلى وتباسىن ەلدىڭ الدىنا شىعارىپ كورسەتۋ – وزەكتى ماسەلە»، – دەدى قوعامدىق دامۋ باسقارماسى باسشىسىنىڭ مىندەتىن اتقارۋشى ايدار ەسەنبەكوۆ.