بىلتىر 71-ورىندا بولعان.
مەنشىك قۇقىعىن قورعاۋ دەڭگەيى بويىنشا رەيتينگتە قازاقستان 129 ەلدىڭ ىشىندە 75-ورىنعا تۇراقتادى، دەپ حابارلايدى Almaty-akshamy.kz Inbusiness.kz سىلتەمە جاساپ.
بىلتىر 71-ورىندا بولعان. ەلىمىزدىڭ يندەكسى – 4،629. ايتا كەتۋ كەرەك، بۇل يندەكس نەعۇرلىم جوعارى بولسا، ەلدە مەنشىك قۇقىعى سوعۇرلىم جاقسى قورعالادى دەگەندى بىلدىرەدى.
وسى جىلدىڭ 10 ايىندا بۇل سالادا 107 مىڭ قىلمىستىق قۇقىقبۇزۋشىلىق تىركەلدى. بۇل بىلتىرعىعا قاراعاندا 5%-عا ارتىق.
رەسپۋبليكا بويىنشا الىپ قارايتىن بولساق، قۇقىقبۇزۋشىلىقتاردىڭ باسىم بولىگى الماتى قالاسىندا تىركەلدى (26،6 مىڭ جاعداي). انتيليدەرلەر ۇشتىگىندە استانا قالاسى (12،9 مىڭ قۇقىقبۇزۋشىلىق) مەن الماتى وبلىسى (8،4 مىڭ قۇقىقبۇزۋشىلىق) بار.
جاڭادان قۇرىلعان ءۇش وبلىستا قۇقىقبۇزۋشىلىقتىڭ ەڭ از سانى تىركەلدى.
مۇلىككە قاتىستى قىلمىستىق قۇقىقبۇزۋشىلىقتاردىڭ جارتىسىنا جۋىعى ۇرلىق (51،9 مىڭ جاعداي) بولدى. بۇل وتكەن جىلمەن سالىستىرعاندا 6،7%-عا ارتىق.
بۇدان بولەك الاياقتىقتىڭ 37،3 مىڭ جاعدايى (+7،1%) تىركەلدى، ۇساق ۇرلىق – 10،2 مىڭ جاعداي، توناۋ – 2،1 مىڭ جاعداي، مال ۇرلىعى – 1،5 مىڭ جاعداي.
تمد ەلدەرىنىڭ ىشىندە ەلىمىزدى ءازىربايجان (60-ورىن) مەن ارمەنيا (63-ورىن) باسىپ وزدى. ال، رەسەي (85-ورىن)، مولدوۆا (95-ورىن) جانە ۋكراينا (105-ورىن) ەلدەرىندەگى كورسەتكىشتەر ايتارلىقتاي تومەن.
اتالمىش رەيتينگتە فينليانديا، سينگاپۋر جانە شۆەيساريا كوش باستادى. بۇل ەلدەردە مەنشىك قۇقىعى جاقسى قورعالعان. ەڭ سوڭعى ورىندا ۆەنەسۋەلا ورنالاستى.