بۇل قىزمەت "ۋپراۆدوم" ج ش س قوسىمشاسىندا قولجەتىمدى.
مەملەكەت باسشىسىنىڭ تاپسىرماسىن ورىنداۋ ماقساتىندا Digital Justice پورتفەلى اياسىندا جاڭا جوبا ىسكە قوسىلدى، دەپ حابارلايدى Almaty-akshamy.kz ق ر ادىلەت مينيسترلىگىنە سىلتەمە جاساپ.
قازاقستاندىقتار مەنشىك يەلەرى بىرلەستىگىن ونلاين رەجيمدە تىركەي الادى. بۇرىن قازاقستاندىقتار ميب تىركەۋ جانە ونىڭ ءتوراعاسىن سايلاۋ ءۇشىن ءۇي تۇرعىندارىمەن بىرنەشە كەزدەسىپ، ادىلەت ورگاندارىنا ءتيىستى ءوتىنىش بەرىپ، كوپ ۋاقىت جۇمسايتىن. ەندى ۇيالى تەلەفونداعى ءموبيلدى قوسىمشا ارقىلى ءونلاين-وتىنىم بەرۋگە بولادى. بۇل قىزمەت "ۋپراۆدوم" ج ش س قوسىمشاسىندا قولجەتىمدى.
بۇل تۇرعىنداردىڭ قولتاڭبالارىن ونلاين جيناۋعا، داۋىستاردى، كۆورۋمدى اۆتوماتتى تۇردە ساناۋعا جانە ەلەكتروندىق حاتتامانى اۆتوماتتى تۇردە تولتىرۋعا مۇمكىندىك بەرەدى.
سونداي-اق ءۇيدىڭ ءتوراعاسى، حاتشىسى جانە كەڭەس مۇشەلەرى قول قويعان ەلەكتروندىق حاتتاما "زاڭدى تۇلعالار" مەملەكەتتىك دەرەكقورىنا ميب ەلەكتروندىق تىركەۋ ءۇشىن جولدانادى. جوبا ەڭ الدىمەن ميب قىزمەتىنىڭ اشىق بولۋىنا، الاياقتىق ارەكەتتەردى بولدىرماۋعا، ءۇيدى باسقارۋ كەزىندە پروسەستەردى اۆتوماتتاندىرۋعا، قاعاز قۇجات اينالىمىنان ارىلۋعا مۇمكىندىك بەرەدى.