«مەنىڭ ەلىم، مەنىڭ تۋىم» پاتريوتتىق اكسياسىنا اتىراۋلىقتار دا ءۇن قوستى.
«جاستار رۋحى» جاستار قاناتىنىڭ بەلسەندىلەرى كوپقاباتتى تۇرعىن ۇيلەردە كوك بايراعىمىزدى جەلبىرەتتى، دەپ حابارلايدى Almaty-akshamy.kz 24.kz-كە سىلتەمە جاساپ.
مەملەكەتتىك رامىزدەرگە قۇرمەت كورسەتۋگە ارنالعان ءىس-شارا 25 قازان – رەسپۋبليكا كۇنىنە دەيىن جالعاسادى.
بۇگىن «جاستار رۋحى» جاستار قاناتىنىڭ بەلسەندىلەرى الماگۇل ىقشام اۋدانىنداعى كوپ قاباتتى تۇرعىن ۇيلەردە كوك تۋىمىزدى جەلبىرەتىپ، پاتريوتتىق اكسياعا ءۇن قوستى. رەسپۋبليكا كۇنىنە وراي ۇيىمداستىرىلعان ءىس-شاراعا 20-عا جۋىق جاس قاتىستى.
«جاستار رۋحىنىڭ» بەلسەندىلەرى جينالىپ، اتىراۋ قالاسىندا ءوزىمىزدىڭ تۋىمىزدى ناسيحاتتاۋدى شەشتىك. بۇل تۋلاردى ءىلۋ ارقىلى ءبىز ءوزىمىزدىڭ جاستارىمىزدىڭ، جالپى حالقىمىزدىڭ پاتريوتتىق سەزىمىن وياتۋعا تىرىسىپ جاتىرمىز. الداعى ۋاقىتتا بارلىق قاتىسقىسى كەلەتىن ادامداردى شاقىرامىن وسى اكسياعا قاتىسۋعا»، - دەيدى ستۋدەنت رۋبينا حانزادا.
بۇل اكسيا ەرتەڭ دە جالعاسىن تابادى. جاس بەلسەندىلەر باسقا دا شاعىن اۋدانداردى ارالاپ، كوپقاباتتى تۇرعىن ۇيلەرگە كوك تۋىمىزدى ىلەدى. بۇل – ولاردىڭ پاتريوتتىق سەزىمى مەن وتانعا دەگەن ماحابباتىن وياتادى، دەيدى ۇيىمداستىرۋشىلار.
«بۇل چەللەندجدىڭ نەگىزگى ماقساتى – ەلىمىزدە تۇرعىنداردىڭ، جاستاردىڭ اراسىندا كوك تۋدى ناسيحاتتاۋ. وزدەرىڭىز بىلەسىزدەر، 25 قازان – رەسپۋبليكا كۇنى. سول مەرەكەلىك شارانىڭ اياسىندا ۇيىمداستىرىلىپ وتىر. بۇگىن اتىراۋ وبلىستىق فيليالىنىڭ جاس بەلسەندىلەرى وسى الماگۇل ىقشام اۋدانىندا كوپقاباتتى ۇيلەردە كوك تۋىمىزدى جەلبىرەتۋ چەللەندجىن قولداپ جاتىرمىز»، - دەيدى « جاستار رۋحى» جاستار قاناتى وبلىستىق فيليالىنىڭ ءتوراعاسى ابىلاي قۇرمەت.
«مەنىڭ ەلىم، مەنىڭ تۋىم» اكسياسى اۋدانداردا دا وتەدى. يگى داستۇرگە اينالعان اكسيا ءقازىر ەلىمىزدىڭ تۇكپىر-تۇكپىرىندە ءوتىپ جاتىر. 500-دەن استام جاس بەس مىڭ تۋ كوتەرۋدى جوسپارلاعان.