الماتىدا رەسپۋبليكا كۇنىنە وراي ب ا ق وكىلدەرىنىڭ فورۋمى ءوتتى

ءىس-شارانى الماتى قالاسىنىڭ وڭىرلىك كوممۋنيكاسيالار قىزمەتى ۇيىمداستىردى.

فورۋم اياسىندا مەديا سالاسىنىڭ وكىلدەرى ءۇشىن ارنايى دايىندالعان اقپارات بەرىلىپ، ماماندار ءوزارا پىكىر الماستى، دەپ حابارلايدى Almaty-akshamy.kz.

مىسالى، ايماقتىق پابليكتەردى جۇرگىزۋدىڭ نەگىزگى پروبلەمالارى مەن قيىندىقتارى تۋرالى «داۆاي سحوديم» پابليگىنىڭ الماتى فيليالىنداعى بس رەداكتورى كاميللا بوياۋبايەۆا ايتتى.

«Orda.kz» تەلەگرامم-كانالىنىڭ رەداكتورى يليا رولدۋگيننىڭ دايىنداپ كەلگەن تاقىرىبى دا جۋرناليستەر ءۇشىن تانىمددىق ءارى وزەكتى بولدى، ول «قازاقشا سمم نەمەسە الەۋمەتتىك جەلىلەردىڭ جاڭا شىندىعى» بلوگىندا ءوز تاجىريبەسىمەن ءبولىستى.   

ب ا ق فورۋمى اياسىندا «اۆتورلىق قۇقىق جانە پلاگيات» ماسەلەلەرى قارالدى. قازاقستان ايس ج ش س زاڭ كومپانياسىنىڭ ديرەكتورى، قازاقستانداعى، قىرعىزستانداعى «Apple» كومپانياسىنىڭ زياتكەرلىك مەنشىك قۇقىعىن قورعاۋ ماسەلەلەرى جونىندەگى وكىلى اسەت بلييەۆ بۇل تاقىرىپتا جۋرناليستەردىڭ بارلىق سۇراقتارىنا جاۋاپ بەردى.

تاقىرىپتى بەلگىلى  بلوگەر، ءفوتوتىلشى دميتريي دوسەنكو جالعادى. ول «فوتوتروللينگتىڭ» نە ەكەنىن جانە مەديا-بيزنەسكە قانداي ءقاۋىپ ءتۇسىندىرىپ بەردى.

سوڭىندا تەلەجۋرناليست يرينا گريبكوۆسكايا ارىپتەستەرىمەن دەرەكتى فيلم جانرىنىڭ قىر-سىرىمەن ءبولىستى. ول دەرەكتى ءفيلمدى قىزىقتى ەتۋدىڭ قۇپيالارى تۋرالى ايتىپ، پراكتيكالىق كەڭەستەر بەردى.

 ب ا ق فورۋمى اياسىندا ساراپشىلار مەن ءبىرقاتار جۋرناليستەرگە ءتۇرلى نوميناسيالار بويىنشا ەستەلىك مۇسىنشەلەر تابىستالدى.