جاڭا وقۋ جىلىندا الماتى قالاسىنىڭ، سونداي-اق جەتىسۋ مەن الماتى وبلىستارىنىڭ ورتا ءبىلىم بەرۋ ۇيىمدارىندا «مەنىڭ باۋىرىم» ۆولونتەرلىك جوباسىن جۇزەگە اسىرۋ جالعاسادى.
جوباعا 20 جوو مەن كوللەدجدەردەن 2000-عا جۋىق ەرىكتى ستۋدەنت قاتىسۋدا، دەپ حابارلايدى aqshamnews.kz.
«ستۋدەنتتەر وقۋ، IT جانە قارجىلىق ساۋاتتىلىعىن دامىتۋعا، STEAM داعدىلارىن، بۇقارالىق سپورتتى جانە سالاۋاتتى ءومىر سالتىن قالىپتاستىرۋعا قاتىسادى. سونداي-اق توتەنشە جانە شۇعىل جاعدايلار كەزىندە ءوزىن-وزى ۇستاۋ ەرەجەلەرىن ۇيرەتۋگە باسىمدىق بەرىلەدى»، - دەپ اتاپ ءوتتى بالالاردىڭ قۇقىقتارىن قورعاۋ كوميتەتى ءتوراعاسىنىڭ ورىنباسارى يۋليا وۆەچكينا.
ايتا كەتەيىك، «مەنىڭ باۋىرىم» جوباسى وتكەن جىلدىڭ قاراشا ايىندا ق ر وقۋ-اعارتۋ مينيسترلىگى مەن عىلىم جانە جوعارى ءبىلىم مينيسترلىگىنىڭ باستاماسىمەن جاسوسپىرىمدەرگە ءتۇرلى قىزمەت سالالارى تۋرالى اقپارات ۇسىنا وتىرىپ، بولاشاق كاسىبىن انىقتاۋعا كومەكتەسۋ ماقساتىندا ىسكە قوسىلعان بولاتىن.