بۇدان بىلاي ءان ماتىنىندە زورلىق-زومبىلىققا نەمەسە الىپ قاشۋعا شاقىراتىن سوزدەرى بار تۋىندىنىڭ اۆتورى تەكسەرىلەدى. ىشكى ىستەر مينيسترلىگى ونداي اندەردىڭ ءارقايسىنا قۇقىق تۇرعىسىنان باعا بەرۋگە دايىن، - دەپ حابارلايدى aqshamnews.kz ءتىلشىسى.
"مەنىڭ ويىمشا، بۇل اندەردىڭ مازمۇنىندا، ياعني سوزدەرىندە زورلىق-زومبىلىققا نەمەسە قانداي دا ءبىر تەرىس ارەكەتكە ۇندەيتىن شاقىرۋ بولسا، ءبىز ونى مىندەتتى تۇردە قاراستىرامىز، مونيتورينگ جاساپ، رەاكسيا ءبىلدىرۋىمىز كەرەك"، - دەيدى ىشكى ىستەر ءمينيسترى ەرجان سادەنوۆ.
ىشكى ىستەر ءمينيسترىنىڭ ايتۋىنشا، ءان ماتىنىندە "الىپ كاشام"، كۇشتەپ سۇيەم"، "ەرىكسىز اكەتەمىن" سياقتى سوزدەرى بولسا، وندا زاڭ الدىندا جاۋاپ بەرەدى. بۇل - جاي ءسوز ەمەس، قىلمىستىق قۇقىقبۇزۋشىلىق ارەكەتىنە ناسيحات.
سوندىقتان قوعام ساناسىنا كەرى اسەر ەتەتىن وسى ماسەلەگە بەيجاي قاراۋعا بولمايدى. ءقازىر وسىنداي كونتەنتكە مونيتورينگ جۇرگىزىلىپ جاتىر. زاڭ بۇزۋ انىقتالعان جاعدايدا، ءان اۆتورى مەن پروديۋسەرى دە جازاعا تارتىلادى.