جەلىدە جەڭىپ العان مەدالىن جوعالتقانىن ايتىپ، جىلاپ تۇرعان بالاعا ءوز مەدالىن بەرگەن جاتتىقتىرۋشىنىڭ ۆيدەوسى تاراپ كوپشىلىكتى العىسىنا بولەندى، دەپ حابارلايدى almaty-akshamy.kz
ۆيدەودا جەتى جاسار فۋتبولشى جاتتىقتىرۋشىعا جارىستا جەڭىپ العان مەدالىن جوعالتقانىن ايتىپ، جىلاپ تۇر. تالىمگەر بالانى توقتاتىپ، وعان "مەن سياقتى جاتتىقتىرۋشىڭ بار كەزدە جىلاما، جىلاما» دەگەن سوزدەرمەن ءوز سىيلىعىن بەرەدى.
ۆيدەوداعى فۋتبول اكادەمياسىنىڭ ديرەكتورى جانە جاتتىقتىرۋشىسى دوسحان قاراسايەۆ بولىپ شىقتى، ول 5 جاستان 13 جاسقا دەيىنگى بالالاردى جاتتىقتىرادى.
ول كوماندانىڭ 16-17 قىركۇيەكتە قىزىلوردادا وتكەن جارىستان كەلە جاتقانىن ايتقان. دوسحاننىڭ تاربيەلەنۋشىلەرى بىردەن ءتورت جاس توبىندا ءبىرىنشى ورىنعا يە بولدى.
«ارتۋردىڭ مەنىڭ توبىما كەلگەنىنە 5 اي بولدى جانە ول ءبىزدىڭ توپتاعى ەڭ كەنجەسى، بۇل ونىڭ العاش رەت جارىسقا بارۋى بولاتىن. جولدىڭ سوڭىندا اكىمشى كەلىپ، ارتۋر مەدالىن جوعالتىپ العانىن ايتتى. ءبىز ونى ىزدەدىك، ءبىراق تابا المادىق. ءبىز پويىزدان تۇسكەلى جاتقاندا، مەن ونىڭ جىلاپ جاتقانىن بايقادىم. مەن قاسىما ونى شاقىردىم جانە وعان وسى تۋرنيردە ۇزدىك جاتتىقتىرۋشى رەتىندە العان مەدالىمدى بەرۋدى شەشتىم. مەن ونىڭ كوڭىلى قالعانىن كورىپ، اناسىنىڭ ونى مەدالسىز قارسى العانىن قالامادىم. مەن وعان مەدالدى بەرگەندە، ونىڭ كوزىنەن قۋانىش كوردىم. بۇل ءسات ماعان جاتتىقتىرۋشىلار رەتىندە تەك تالىمگەر عانا ەمەس، سونىمەن قاتار تاربيەلەنۋشىلەرىمىزدىڭ دوسى مەن اكەسىندەي بولۋىمىز كەرەك ەكەنىن ەسكە سالدى».
جەلى پايدالانۋشىلارى جاتتىقتىرۋشىنىڭ مەيىرىمگە تولى «كەڭ جۇرەگى» ءۇشىن العىس ايتتى.