قازاقستاندىق بوكسشى ەرتۋعان زەينۋللينوۆ حانچجوۋ قالاسىندا ءوتىپ جاتقان ازيا ويىندارىن جەڭىسپەن باستادى، دەپ حابارلايدى almaty-akshamy.kz قازاقپاراتقا سىلتەمە جاساپ.
قازاقستاندىقتاردان العاشقى بولىپ رينگكە شىققان ە.زەينۋللينوۆ 63،5 كەلىگە دەيىنگى سالماقتا 1/16 فينالدا يوردانيالىق وبادا الكاسبەحپەن جۇدىرىقتاستى.
ءوز سپورتتىق جولىندا العاش رەت ءىرى جارىستا ەل نامىسىن قورعاپ جاتقان ەرتۋعان ءۇش راۋند بويى جەڭىسىنە كۇمان كەلتىرگەن جوق – 5:0.
ەرتۋعان زەينۋللينوۆتىڭ كەلەسى قارسىلاسى – بيىلعى الەم چەمپيوناتىنىڭ قولا جۇلدەگەرى، ازيا چەمپيونى، تاجىكستاندىق باحودۋر ۋسمونوۆ.
ەرتۋعان ازيادا بارىسىندا ب.ۋسمونوۆتى جولدان تايدىرسا، وزبەكستاندىق قانداسىمىز، الەم چەمپيونى رۋسلان ابدۋللايەۆپەن دە كەزدەسۋى مۇمكىن.
دۇيسەنبى كۇنى قازاقستاننان ناتاليا بوگدانوۆا مەن ساكەن بيبوسىنوۆ رينگكە شىعادى.