الماتى قالاسىنىڭ كولىك يەلەرىنە ارنالعان حالىققا قىزمەت كورسەتۋ ورتالىعىنا كەلۋشىلەر ءۇشىن «مەن دەنساۋلىقتى تاڭدايمىن! ءبىز تۋبەركۋلەزدى جەڭە الامىز!» ناۋقانى وتكىزىلدى، دەپ حابارلايدى اlmaty-akshamy.kz.
15 ناۋرىزدا بۇكىلالەمدىك تۋبەركۋلەزبەن كۇرەس كۇنى اياسىندا الماتى قالاسى الاتاۋ اۋدانىنداعى قالا تۇرعىندارى جاپپاي باراتىن ورىنداردىڭ ءبىرى - مامانداندىرىلعان كولىك يەلەرىنە ارنالعان حقك ورتالىعىندا قوعامدىق دەنساۋلىق ساقتاۋ باسقارماسى ۇيىمداستىرعان «مەن دەنساۋلىقتى تاڭدايمىن! ءبىز تۋبەركۋلەزدى جەڭە الامىز!» كەڭ اۋقىمدى ناۋقانى وتكىزىلدى.
ءىس-شارا بارىسىندا №29 قالالىق ەمحانا مەن فتيزيوپۋلمونولوگيا ورتالىعىنىڭ ماماندارى قالا تۇرعىندارىنىڭ نازارىن تۋبەركۋلەزدىڭ الدىن الۋ مەن ەسكەرتۋگە باسا اۋداردى.
جۇمىس ىستەيتىن قالا تۇرعىندارىنىڭ كوپشىلىگى ورتا جاستاعى تۇرعىندار، ولار مەديسينالىق قىزمەتكەرلەردىڭ شاقىرتۋلارىنا قاراماستان، ۋاقتىلى الدىن الا قاراۋلاردان جانە سكرينينگتەردەن وتە بەرمەيدى.
ناۋقان ۋاقىتىندا حالىقتى بارىنشا قامتۋ ءوزىنىڭ ناتيجەسىن بەرگەنىمەن قۋانتادى. وسىلايشا، ناۋقان ناتيجەسى بويىنشا 500 ادام قارالدى. جۇزگە تارتا الماتىلىق ارنايى ۇيىمداستىرىلعان قوزعالمالى كەشەندە فليۋروگرافيادان وتسە، شامامەن 300 ادام فتيزياتر-پۋلمونولوگ، تەراپيەۆت دارىگەرلەرىنىڭ كەڭەسىن الدى. 400-دەن اسا الماتىلىق قان قۇرامىنداعى قانت، حولەستەريندى انىقتاۋ، كوز قىسىمىن ولشەۋ، سپيروگرافيا، ەكسپرەسس-سكرينينگتەن ءوتتى.
№29 قالالىق ەمحانانىڭ باس دارىگەرى اقميرا سادىقوۆا: "تەكسەرۋدەن وتكەن ءاربىر قاتىسۋشى ەكسپرەسس-سكرينينگتىڭ ناتيجەسىن الدى. ال فليۋروگرافيالىق زەرتتەۋدىڭ ناتيجەسىنە كەلەتىن بولساق، ول پاسيەنتتەرگە رەنتگەنولوگ-دارىگەر قايتالاپ قاراعاننان كەيىن جەتكىزىلەتىن بولادى"، -دەيدى.
ءىس-شارا بارىسىندا حالىق اراسىندا ءتۇسىندىرۋ جۇمىستارى جۇرگىزىلدى، تۇرعىنداردى مازالعان سۇراقتارعا جاۋاپ بەرىلىپ، تۋبەركۋلەزدىڭ الدىن الۋ مەن ەمدەۋ بويىنشا بەينەباياندار كورسەتىلدى. سونداي-اق، №29 قالالىق ەمحانادا تىركەلگەن تۇرعىندار ءۇشىن فتيزيوپۋلمونولوگيا ورتالىعى جانە سانيتارلىق -ەپيدەميولوگيالىق باقىلاۋ كوميتەتى ماماندارىنىڭ قاتىسۋىمەن اشىق ەسىك كۇنى ۇيىمداستىرىلدى.
ەلىمىزدە، ددسۇ سوڭعى ۇسىنىستارىنا سايكەس، تۋبەركۋلەزدى انىقتاۋ مەن دياگنوستيكالاۋ ءۇشىن تەكسەرۋدىڭ بارلىق دياگنوستيكالىق ادىستەمەلەرى ەنگىزىلگەنىن ەسكە سالامىز. پتر دياگنوستيكاسى جولعا قويىلعان، ول گەندىك دەڭگەيدە ەكى ساعات ىشىندە تۋبەركۋلەزدىڭ بار ەكەنىن انىقتاۋعا جانە ءبىرىنشى كۇننەن باستاپ ەم تاعايىنداۋعا مۇمكىندىك بەرەدى.
«جوعارعى تاۋەكەل جاسىنداعى حالىق توبى سكرينينگتەن - ەرەسەكتەر فليۋروگرافيا، ال بالالار مەن جاس جەتكىنشەكتەر تۋبەركۋلەزدىك دياگنوستيكادان وتەدى. ءتيىمدى ەمدەۋ كۋرسىن جۇرگىزۋ ءۇشىن پاسيەنتتەر تۋبەركۋلەزگە قارسى پرەپاراتتاردىڭ قاجەتتى جيىنتىعىمەن تولىق قامتاماسىز ەتىلگەن. ءارقايسىمىز تۋبەركۋلەزدى كەز كەلگەن جەردەن جۇقتىرۋىمىز مۇمكىن ەكەنىن ءتۇسىنۋىمىز قاجەت. بۇل اۋرۋدان ەشكىم ساقتاندىرىلماعان. اۋرۋ نەعۇرلىم ەرتە انىقتالسا، ونى ەمدەۋ نەعۇرلىم ەرتەرەك باستالسا، سوعۇرلىم اۋرۋدى ەمدەۋ ءارى وتباسى جانە جالپى قالانىڭ ەپيدەميولوگيالىق جاعدايى جەڭىل بولادى»، -دەپ قورىتىندىلايدى اقميرا سادىقوۆا.
مۇنداي ءىس-شارالار وكپە اۋرۋلارىن ۋاقتىلى انىقتاۋ مەن ەمدەۋگە نازار اۋدارتۋعا، دەنساۋلىققا جاۋاپكەرشىلىكپەن قاراۋعا سەپتىگىن تيگىزەدى. سونىمەن قاتار، مەديسينالىق قىزمەتكەر مەن پاسيەنتكە «ءبىز تۋبەركۋلەزدى جەڭە الامىز» دەپ بىرگە جەڭىسكە جەتۋگە كومەكتەسەدى.