ءداستۇرلى «مەملەكەتتىك ءتىل جانە ب ا ق» رەسپۋبليكالىق بايقاۋى 2005 جىلدان بەرى وتكىزىلىپ كەلەدى.
قازاقستان رەسپۋبليكاسى عىلىم جانە جوعارى ءبىلىم مينيسترلىگى ءتىل ساياساتى كوميتەتى ش.شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعى ۇيىمداستىرعان ءداستۇرلى «مەملەكەتتىك ءتىل جانە باق-2023» بايقاۋىنىڭ جەڭىمپازدارى انىقتالدى، دەپ حابارلايدى Almaty-akshamy.kz.
سالتاناتتى ماراپاتتاۋ ءراسىمىن ق ر عىلىم جانە جوعارى ءبىلىم مينيسترلىگى ءتىل ساياساتى كوميتەتىنىڭ ءتوراعاسى ەربول تىلەشوۆ قۇتتىقتاۋ سوزبەن اشتى.
ق ر عىلىم جانە جوعارى ءبىلىم مينيسترلىگىنىڭ مالىمەتىنشە، كەيىنگى جىلدارى بايقاۋعا قازاق تىلىندە جازاتىن وتاندىق جۋرناليستەرمەن بىرگە، مەملەكەتتىك ءتىل تۋرالى ورىس تىلىندە قالام تەربەيتىن قالامگەرلەر دە قاتىسۋدا.
بۇرىن سايتتا جارىق كورگەن ماتەريالدار ءوز الدىنا بولەك ۇسىنىلىپ كەلسە، كەيىنگى جىلدارى گازەت جاريالانىمدارىنا تەڭەستىرىلىپ، بىردەي دارەجەدە قاراستىرىلادى.
بيىل بايقاۋعا 64 ءوتىنىم ارقىلى 145 ماتەريال ءتۇستى، ولاردىڭ 123ء-ى قازاق تىلىندە بولسا، 17 – ورىس تىلىندە.
قازىلار القاسىنىڭ قۇرامى ەلىمىزگە بەلگىلى قايراتكەرلەر مەن تانىمال جۋرناليستەردەن جاساقتالدى: بيبىگۇل جەكسەنباي، ق ر پارلامەنتى سەناتىنىڭ دەپۋتاتى؛ ديحان قامزابەك ۇلى، «قازاق گازەتتەرى» ج ش س باس ديرەكتورى، ق ر ۇعا اكادەميگى؛ ماحات سادىق، بەلگىلى جۋرناليست، «قازكونتەنت» اق كەڭەسشىسى؛ مولديار ەرگەبەكوۆ، ونەرتانۋ دوكتورى، ا.ياسساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ قاۋىمداستىرىلعان پروفەسسورى، كينو مەن مەديا سالاسىنىڭ زەرتتەۋشىسى؛ ەربول ازانبەكوۆ، «Qazaq Media Association» (قازاق مەديا قاۋىمداستىعى) ءتوراعاسى.
«مەملەكەتتىك ءتىل جانە ب ا ق – 2023» بايقاۋىنىڭ گران-پري جۇلدەسى مەن 1 000 000 ميلليونوۆ تەڭگە سەرتيفيكاتى «Halyq Uni» اقپاراتتىق اگەنتتىگىنىڭ ءجۋرناليسى ايگەرىم تاۋبايعا تابىستالدى.
باسىلىم بەتتەرىندە، سونداي-اق ينتەرنەت رەسۋرستاردا جارىق كورگەن «ۇزدىك ماقالا» اتالىمى بويىنشا ءبىرىنشى ورىندى اتىراۋ وبلىستىق «پريكاسپييسكايا كوممۋنا» گازەتىنىڭ اعا ءتىلشىسى انجەلا لي (اتىراۋ ق.) جەڭىپ الدى، ەكىنشى ورىن – «Qazcontent» El.kz اق اقپاراتتىق اگەنتتىگىنىڭ ءتىلشىسى امانگۇل تىلەي (استانا ق.). ءۇشىنشى ورىندى № 38 (استانا ق.) مەكتەپ-ليسەيىنىڭ قازاق ءتىلى مەن ادەبيەتى ءپانىنىڭ وقىتۋشىسى ءبىرجان احمەر مەن «قازاق ءۇنى» رەسپۋبليكالىق قوعامدىق-ساياسي گازەتىنىڭ رەداكتورى دوستان ەلدەس ءوزارا ءبولىستى.
«ۇزدىك تەلە جانە راديوباعدارلاما» اتالىمى بويىنشا ءبىرىنشى ورىن «قازاق راديوسىنىڭ» رەداكتورى ازامات تىلەپوۆكە بۇيىردى، ەكىنشى ورىن – «جەتىسۋ» تەلەارناسى» ج ش س قىزمەتكەرى مۇرات جۇمابايدىڭ ەنشىسىندە (تالدىقورعان ق.).
«ۇزدىك ماقالا» جانە «ۇزدىك تەلە جانە راديوباعدارلاما» جەڭىمپازدارىنىڭ ءارقايسىسىنا: ءبىرىنشى ورىن ءۇشىن – 750 000 تەڭگە، ەكىنشى ورىنعا – 500 000 تەڭگە جانە ءۇشىنشى ورىن يەلەرىنە 300 000 تەڭگەنىڭ سەرتيفيكاتى تابىستالدى.
سونداي-اق، بايقاۋ قورىتىندىسى بويىنشا 9 قاتىسۋشى 100 000 تەڭگەدەن ىنتالاندىرۋ سىيلىعىنا يە بولدى.