مەگاپوليستەگى №7 قالالىق اۋرۋحانانىڭ حيرۋرگ-دارىگەرلەرى ترومبوسيتوپەنياسى (قان ۇيۋىنىڭ بۇزىلۋى) بار پاسيەنتكە اسا كۇردەلى وتانى ءساتتى جاساپ شىقتى. دالىرەك ايتساق، قان كەتۋدىڭ جوعارىلاۋىمەن سيپاتتالاتىن اۋتويممۋندى كەسەلى بار («ۆەرلگوف اۋرۋى») 33 جاستاعى ناۋقاسقا جاسالعان اۋىر وپەراسيا ساتىمەن اياقتالدى. بۇل تۋرالى اۋرۋحانانىڭ باسپا ءسوز قىزمەتى حابارلادى.
№7 قكا گەماتولوگيا بولىمشەسىنىڭ مەڭگەرۋشىسى گۇلجان سابىربايەۆانىڭ ايتۋىنشا، يديوپاتيالىق ترومبوسيتوپەنيكالىق پۋرپۋرا – قايتالاپ سوعاتىن اۋرۋدىڭ اۋىر ءتۇرى. اۋرۋ تەرى استىنداعى قان قۇيىلۋ، مۇرىن جانە قىزىليەكتەن قان كەتۋ تۇرىندە ءجيى قايتالانىپ تۇراتىن كەسەل. بۇل دەرت ادامدى جۇمىسقا قابىلەتسىز ەتىپ، ءتىپتى ولىمگە اكەلۋى مۇمكىن.
«اۋرۋ قانداعى ترومبوسيتتەردىڭ (ترومبوسيتوپەنيا) سانىنىڭ تومەندىگىمەن سيپاتتالادى (ترومبوسيتوپەنيا)، بۇل وزدىگىنەن قان كەتۋدى تۋدىرادى. كونسەرۆاتيۆتى تەراپيا وڭ ناتيجە بەرگەن جوق. مۇنداي جاعدايلاردا اۋرۋدىڭ رەزيستەنتتى ءتۇرى تۋرالى ايتادى»، – دەپ ءتۇسىندىردى جاعدايدى گەماتولوگ-دارىگەر گ.سابىربايەۆا.
كونسەرۆاتيۆتى تەراپياعا توزىمدىلىكتى ەسكەرە وتىرىپ، ناۋقاسقا سپلەنەكتوميا، ياعني كوكباۋىردى الىپ تاستاۋ ۇسىنىلدى. وپەراسياعا دايىندىقتان كەيىن پاسيەنت راديكالدى حيرۋرگيالىق وپەراسياعا الىندى.
«وپەراسيالىق ەمدەۋدىڭ كۇردەلىلىگى سوندا، كەز-كەلگەن ساتتە كوپ مولشەردە قان كەتۋ ءقاۋپى جوعارى بولدى، ال ول ميدىڭ گيپوكسياسىنا جانە ولىمگە الىپ كەلۋى مۇمكىن. وتا ءساتتى ءوتتى، ءبارى جوسپارلاعانىمىزداي بولدى. وپەراسيادان كەيىن ترومبوسيتتەردىڭ دەڭگەيى قالپىنا كەلدى، ناۋقاستىڭ كوڭىل-كۇيى مەن جالپى جاعدايى قاناعاتتانارلىق»، – دەدى №2 حيرۋرگيا بولىمشەسىنىڭ مەڭگەرۋشىسى، پروفەسسور مۇسا ساحيپوۆ.
دارىگەرلەر ىشكە قان كەتۋ ءقاۋپى جوق ەكەنىنە كوز جەتكىزگەننەن كەيىن پاسيەنتتى 5 تاۋلىككە گەماتولوگتىڭ امبۋلاتوريالىق باقىلاۋىنا شىعاردى.
دارىگەرلەردىڭ جوعارى كاسىبي شەبەرلىگىنىڭ جانە ولاردىڭ اسا زور كۇش-جىگەرىنىڭ ارقاسىندا تاعى ءبىر ادام اجال اۋزىنان قۇتقارىلدى.