جەلتوقساننىڭ قاي كۇندەرى ماگنيتتىك داۋىل بولادى؟

جەلتوقسان ايىنىڭ باسىندا ماگنيتتىك داۋىل سوعادى. بۇل كەزدە اۋا رايىنا تاۋەلدى ادامداردىڭ باسى اۋىرىپ، ۇيقىسىزدىق مازالاپ، سوزىلمالى دەرتتەرى ءورشۋى مۇمكىن.

مامانداردىڭ ايتۋىنشا، ماگنيتتىك داۋىل جەلتوقسان ايىنىڭ باسىندا بولادى، دەپ حابارلايدى Almaty-akshamy.kz اif.ru-عا سىلتەمە جاساپ.

داۋىلدى كۇندەر قاشان كەلەدى جانە وعان قالاي دايىندالۋ كەرەك؟

مامانداردىڭ ايتۋىنشا، اۋىلدىڭ شىڭى 5 جەلتوقساندا بولادى، ونىڭ دەڭگەيى توعىزدان بەس باللعا (9/5) جەتۋى مۇمكىن. 6 جەلتوقسان كۇنى ءسال تومەندەپ، شامامەن ءتورت بالل بولادى.

كۇن ەكى اپتاعا جۋىق تىنىشتىق تاپقانىمەن، 17 جەلتوقساندا گەوماگنيتتىك اۋىتقۋلار قايتادان باستالىپ، كۇشى بەس بالل بولادى.

ودان كەيىن 24-28 جەلتوقسان ارالىعىندا تاعى دا ماگنيتتىك داۋىل بولۋى مۇمكىن دەپ بولجاندى. ونىڭ اسەرى ادەتتە اۋا-رايىن  ەلەمەيتىن ادامدارعا دا سەزىلەدى. 30-31 جەلتوقساندا تاعى دا داۋىل بولادى. ءبىراق، بۇل جولعى داۋىلدى تەك اۋا رايىنا تاۋەلدى ادامدار عانا سەزىنەدى.

اۋا رايىنا تاۋەلدى ادامدارعا كەڭەس

ەگەر ادامنىڭ جۇرەك-قانتامىر جۇيەسىنە بايلانىستى سوزىلمالى اۋرۋلارى بولسا، وندا ماگنيتتىك داۋىل كەزىندە جۇمىس پەن دەمالىس كەستەسىن قاتاڭ ساقتاۋى كەرەك. جۇمىستى تۇنگە قالدىرماعان ءجون جانە كوپ ۇيىقتاۋدىڭ دا قاجەتى جوق، سونىمەن قاتار مايلى، قۋىرىلعان جانە تۇزدى تاعامداردى جەۋگە بولمايدى. سۋ ءىشۋ رەجيمىن جانە قان قىسىمىڭىزدى تەكسەرۋدى ۇمىتپاڭىز. ماماندار ماگنيتتى داۋىل سوققان كۇندەرى فيزيكالىق بەلسەندىلىكتى بارىنشا ازايتۋ كەرەك دەپ وتىر. سونىمەن قاتار باستىڭ اۋىرۋى ابدەن مۇمكىن ەكەندىگىن ەسكەرتتى. سترەسس دەڭگەيىن دە مۇمكىندىگىنشە ازايتقان ءجون. سونداي-اق تاعامعا كوكونىستەر مەن جەمىستەردى كوبىرەك قوسۋدى ۇمىتپاڭىز. كولىك جۇرگىزۋ مەن ىشىمدىك ىشۋدەن باس تارتقان دۇرىس.