ەگەر جۇمىس جۇيەلى جۇرگىزىلسە، تاۋار مەن قىزمەت كورسەتۋ ساپاسى دا جاقسارار ەدى
مەملەكەت وزىنە قاجەتتىڭ ءبارىن – قىزمەتتى، تاۋاردى، الەۋمەتتىك جوبالاردى وسى مەملەكەتتىك تاپسىرىستى بەرۋ ارقىلى رەتتەيدى.
مەملەكەتتىك تاپسىرىس – مەملەكەتتىڭ قارجىسىن جۇمساۋدىڭ بىردەن-بىر مەحانيزمى. قازىرگى تاڭدا كەز كەلگەن مەملەكەتتىك مەكەمە سىپىرعى كەرەك بولسا دا، مەمتاپسىرىستى پايدالانىپ، تەندەر جاريالايدى. قارجى وسى مەمتاپسىرىس ارقىلى اينالىپ جاتىر. ەگەر وسى جۇيە ساپالى جۇمىس ىستەيتىن بولسا، ساپالى قىزمەت كورسەتىلەدى، ساپالى تاۋار الىنادى.
جولداۋدا «مەملەكەتتىك ساتىپ الۋ تۋرالى» جاڭا زاڭ قابىلدانۋعا ءتيىس دەپ ايتىلدى. ءقازىر كوپتەگەن جوبا كەيبىر كاسىپكەرلەر مەن شەنەۋنىكتەردىڭ مايشەلپەگىنە اينالدى. كەلىسىم-شارتتار اشىق جانە كونكۋرستىق نەگىزدە جاسالۋعا ءتيىس. وسى ماقساتتا ءتيىستى زاڭ قابىلداۋ قاجەت. جولداۋدىڭ وسى بولىگى ورىندالسا، قوعامدا ايتارلىقتاي وزگەرىس ورىن الاتىنىنا سەنۋگە بولادى.