جەتىسۋ اۋدانى قوعامدىق كەڭىستىكتەردى سالۋ، رەكونسترۋكسيالاۋ جانە جوندەۋدەن رەكورد كورسەتتى
2022 جىل جەتىسۋ اۋدانىندا قوعامدىق كەڭىستىكتەردى سالۋ، رەكونسترۋكسيالاۋ جانە جوندەۋ بويىنشا رەكوردتىق جىل بولدى، دەپ حابارلايدى Almaty-akshamy.kz.
1. ەسەنتاي وزەنىنەن چەرنوۆيسكايا كوشەسىنە؛ كىشى الماتى وزەنىنەن كوپەرنيك كوشەسىنە دەيىن؛ قاراسۋ وماروۆ كوشەسىنەن قازىبايەۆ كوشەسىنە دەيىن جاڭا جاعالاۋلار سالىندى. وسى شاعىن ۋچاسكەلەردىڭ تۇرعىندارى ولاردى جاقسى قابىلدادى.
كوكمايسا شاعىن اۋدانىنداعى ەسەنتاي وزەنىنىڭ جاعاسىنداعى قاراۋسىز قالعان اۋماق تا جاقساردى. ەكولوگيا جانە قورشاعان ورتا باسقارماسىنىڭ جوباسى بويىنشا بۇل ۋچاسكەدە ەسەنتاي وزەنىنىڭ بويىمەن 16 گەكتار جاڭا سەرۋەندەۋ ايماعى قۇرىلدى.
2. رەسپۋبليكا كۇنى قارساڭىندا 2 جاڭا جاستار پاركى (الاڭدارى) اشىلدى، بىرەۋى رىسقۇلوۆ، ءسۇيىنباي داڭعىلدارىنىڭ قيىلىسىنداعى اۆتوموبيل كوپىرىنىڭ استىندا، ەكىنشىسى اينابۇلاق-1 شاعىن اۋدانىندا.
اتالعان پاركتەردە جاستار اراسىندا كوشە سپورتىن ناسيحاتتاۋ ماقساتىندا الماتى قالاسىنىڭ سكەيتبوردينگ فەدەراسياسىنىڭ قاتىسۋىمەن جانە ونىڭ ۇسىنىستارىن ەسكەرە وتىرىپ سالىنعان، اۋدانى 1500 شارشى مەتردەن اساتىن سكەيت-الاڭدار ورناتىلدى. ستريتبول، باسكەتبول، ۆولەيبول جانە زاماناۋي ۆوركاۋت الاڭدارى دا جابدىقتالعان.
«بۇل الاڭدار جەتىسۋ اۋدانىنىڭ جاستارى ءۇشىن ناعىز تارتىلىس ورتالىقتارىنا اينالدى.
اينابۇلاق پاركىندە قالالىق سكەيتبوردينگ فەدەراسياسىن ۇيىمداستىرۋ كەزىندە سكەيتبوردتان قالالىق جارىستار وتكىزىلگەنىن اتاپ وتكىم كەلەدى»، - دەدى قالا اكىمى ەربولات دوسايەۆ.
3. سونىمەن قاتار كوكجيەك شاعىن اۋدانىندا جاياۋ جۇرگىنشىلەر ايماعىنىڭ قۇرىلىسى اياقتالدى. وندا جاڭا جارىقتاندىرۋ تىرەكتەرى، ورىندىقتار مەن workout ايماقتارى، ورىندىقتار مەن قۇرعاق فونتان ورناتىلدى، جاياۋ جۇرگىنشىلەر ايماعى ۇلعايتىلدى.
4. اينابۇلاق شاعىن اۋدانىندا جۇمابايەۆ كوشەسىندەگى جاياۋ جۇرگىنشىلەر ايماعىنىڭ قۇرىلىسى اياقتالىپ قالدى.
5. بيىل «حالىق قاتىساتىن بيۋدجەت» جوباسى شەڭبەرىندە اۋداندا 800 ملن. تەڭگەگە 23 جوبا ىسكە اسىرىلدى.
بۇل جوبالار ۆەليكولۋكسكايا كوشەسىندە جاڭا قوعامدىق كەڭىستىك قۇرۋعا مۇمكىندىك بەردى.
سونداي-اق وسى كەزەڭدە جاڭا سپورت الاڭدارى، ونىڭ ىشىندە جانگەلدين جانە راتۋشنىي كوشەلەرىنىڭ بويىنداعى سكۆەرلەردە 6 تەننيس جانە 6 شاحمات ۇستەلدەرى ورناتىلدى.
اتالعان جوبا بويىنشا اۋدان تۇرعىندارى 2023 جىلعا قوعامدىق كەڭىستىكتى اباتتاندىرۋ جانە كوگالداندىرۋ، بالالار مەن سپورت الاڭدارىن جوندەۋ جانە ورناتۋ ءۇشىن 129 ءوتىنىم بەردى، ونىڭ ىشىندە 18 جوبا الدىن الا ىرىكتەلدى.