قازاقستان رەسپۋبليكاسىنىڭ مەملەكەتتىك حاتشىسى ەرلان كاريننىڭ توراعالىعىمەن مەملەكەتتىك رامىزدەر مەن ۆەدومستۆولىق جانە ولارعا تەڭەستىرىلگەن وزگە دە ناگرادالار گەرالديكاسى ماسەلەلەرى جونىندەگى رەسپۋبليكالىق كوميسسيانىڭ وتىرىسى ءوتتى، دەپ حابارلايدى اlmaty-akshamy.kz
جيىندا مادەنيەت جانە سپورت ءمينيسترى داۋرەن ابايەۆ قازاقستان رەسپۋبليكاسى مەملەكەتتىك رامىزدەرىنىڭ 30 جىلدىعىنا وراي وتەتىن نەگىزگى ءىس-شارالار جايىندا بايانداپ، ۇيىمداستىرۋ-دايىندىق جۇمىسى جانە جوسپارعا ساي وتەتىن مادەني-كوپشىلىك شارالار تۋرالى ايتتى.
سونىمەن قاتار وتىرىستا نۇر-سۇلتان قالاسى، قىزىلوردا جانە اقتوبە وبلىستارىنىڭ اكىمدەرى مەملەكەتتىك رامىزدەردى پايدالانۋ، قولدانۋ جانە ناسيحاتتاۋ جونىندە بايانداما جاسادى.
ءوز كەزەگىندە مەملەكەتتىك حاتشى پرەزيدەنت قاسىم-جومارت توقايەۆتىڭ تاپسىرماسى بويىنشا 2020 جىلى مەملەكەتتىك ءرامىزدى پايدالانۋعا قاتىستى قۇقىقتىق اكتىلەر ليبەراليزاسيا باعىتىنا وزگەرگەنىن اتاپ ءوتتى. وسى ورايدا ەرلان قارين مەملەكەتتىك رامىزدەردى، اتاپ ايتقاندا، مەملەكەتتىك تۋدى كەڭىنەن قولدانۋعا قاتىستى ماسەلەنى پىسىقتاۋدى تاپسىردى.
كوميسسيا ءتوراعاسى مەملەكەتتىك رامىزدەردىڭ قوعامدى بىرىكتىرەتىنىن ايتىپ، ەلىمىزدىڭ اجىراماس بولىگى جانە تاۋەلسىزدىگىمىزدىڭ بەت-بەينەسى ەكەنىنە توقتالدى.
كوميسسيا وتىرىسىنىڭ قورىتىندىسى بويىنشا مەملەكەتتىك ورگاندارعا مەملەكەتتىك رامىزدەردىڭ 30 جىلدىعىنا وراي وتەتىن جالپى رەسپۋبليكالىق ءىس-شارالاردى ساپالى وتكىزۋگە قاتىستى ءبىرقاتار تاپسىرما بەرىلدى.