وعان ورتا عاسىر جانە جاڭا زامانداعى قازاقستان تاريحىنا جاتاتىن قۇندى ءارى سيرەك كەزدەسەتىن قولجازبالار قويىلعان، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«بۇگىن ءتول تاريحىمىزدى ناسيحاتتاۋ جولىندا اسا ماڭىزدى شارا ءوتىپ وتىر. كونە جازبا مۇرالار تامىرى تەرەڭ تاريحىمىزدى ايشىقتاپ، كوپشىلىككە دارىپتەيدى. ۇلت رۋحانياتىن ودان ءارى نىعايتىپ جاس ۇرپاققا جول اشادى. وسى رەتتە ءبىز ۇلتتىق مۋزەيدە قولجازبالار جانە سيرەك كىتاپتار ۇلتتىق ورتالىعىنداعى بىرەگەي جازبا دەرەكتەردەن ارنايى كورمە ۇيىمداستىرىپ وتىرمىز. ماقسات – تاريحي مۇرالاردى كەلەشەكپەن ءوزارا بايلانىستىرۋ، ەلىمىزدىڭ سان عاسىرلىق تاريحىن ايقىندايتىن باعا جەتپەس مۇرالارىمىزدى تانىتۋ. سونىمەن قاتار ونى عىلىمي اينالىمعا قوسۋىمىز كەرەك. كورمەدە ەل تاريحىنا قاتىستى بىرنەشە ماڭىزدى جازبا قويىلعان. اتاپ ايتساق، VII عاسىردا جازىلعان قۇران مەن قوجا احمەت ءياسساۋيدىڭ، ماحمۋديدىڭ، يبن حاليفا جانە باسقا تانىمال تۇلعالاردىڭ شىعارمالارى بار»، - دەدى ق ر مادەنيەت جانە سپورت ءمينيسترى داۋرەن ابايەۆ كورمەنىڭ اشىلۋ سالتاناتىندا.
ءمينيستردىڭ ايتۋىنشا، اتالعان قۇندى قولجازبالار - ۇلتىمىزدىڭ الەمدىك وركەنيەتتىڭ دامۋىنا قوسقان ۇلەسى.
سونداي-اق، ولار جاھاندىق تاريحتا ۇلى دالانىڭ ورنىن انىقتاۋدا ماڭىزدى ءرول اتقارادى.
«الدىمەن وسىنداي اۋقىمدى، ماڭىزدى شارانىڭ ءبىزدىڭ مۋزەيدە ءوتىپ جاتقانى قۋانتادى. تۋعان جەرىمىزدەن كوپتەگەن قۇندى جادىگەرلەردىڭ تابىلعانى ايان. تاريحتان بەلگىلى، التىن ادامدى اشقان كەزدە قاسىنان التىن توستاعان تابىلدى. سول توستاعان سىرتىنداعى جازۋ - كونە تۇركى جازباسىنىڭ كۋاسى. سونىمەن قاتار كۇللى تۇركى الەمىنە تانىمال كۇلتەگىن ەسكەرتكىشىن دە ءبارىڭىز بىلەسىزدەر»، - دەيدى ق ر ۇلتتىق مۋزەيىنىڭ ديرەكتورى ارىستانبەك مۇحامەدي ۇلى.
"ۇلى دالا تاريحىنىڭ جازبا مۇرالارى" اتتى كورمەگە قايىپ حاننىڭ تۇرىك سۇلتانى ءىى احمەدكە جازعان حاتىنان ءۇزىندى، سۇلتان كەنەسارى، جاڭگىر حان، سۇلتان ايتورە ايشۋاق، ابىلاي حاننىڭ حاتتارى جانە تاعى باسقا قۇندى جادىگەرلەر قويىلعان.
ۇلتتىق مۋزەيدە اشىلعان كورمەنى ەلوردا جۇرتشىلىعى جىل سوڭىنا دەيىن تاماشالاي الادى.