مادەنيەت جانە سپورت مينيسترلىگىنىڭ الدىندا مەملەكەتتىك رامىزدەردىڭ مەرەيتويىن جوعارى دەڭگەيدە وتكىزۋ مىندەتى تۇر - داۋرەن ابايەۆ
مادەنيەت جانە سپورت ءمينيسترى داۋرەن ابايەۆ شىعارماشىلىق جانە زيالى قاۋىم وكىلدەرىنىڭ جانە رەسپۋبليكالىق ماڭىزى بار قالالار مەن وبلىس اكىمدەرى ورىنباسارلارىنىڭ قاتىسۋىمەن مەملەكەتتىك رامىزدەردىڭ 30 جىلدىعىن مەرەكەلەۋگە ارنالعان كەڭەس وتكىزدى، دەپ حابارلايدى Almaty-akshamy.kz Elorda.info سايتىنا سىلتەمە جاساپ.
«تاريحي تۇرعىدان العاندا، ەلىمىزدىڭ باستى رامىزدەرى ەركىندىكتى بەينەلەيدى جانە ازاماتتارىمىزعا پاتريوتتىق رۋح بەرەدى. 30 جىل ىشىندە قوعامدا مەملەكەتتىك رامىزدەردى قۇرمەتتەۋ مادەنيەتى قالىپتاستى، ەندى ونى قولداپ جانە ىلگەرىلەتۋ قاجەت»، - دەپ اتاپ ءوتتى داۋرەن ابايەۆ.
ونىڭ ايتۋىنشا، مادەنيەت جانە سپورت مينيسترلىگىنىڭ الدىندا مەملەكەتتىك رامىزدەردىڭ مەرەيتويىن جوعارى دەڭگەيدە وتكىزۋ مىندەتى تۇر. بۇل رەتتە، مينيستر اتاپ وتكەندەي، نەگىزگى نازار ءىس-شارالاردىڭ سانى مەن كولەمىنە ەمەس، ولاردىڭ ءمان-مازمۇنى مەن ۇيىمداستىرۋ ساپاسىنا اۋدارىلاتىن بولادى. اتاپ ايتقاندا، عىلىمي-پراكتيكالىق كونفەرەنسيالار، مەكتەپتەردە اشىق ساباقتار مەن سىنىپ ساعاتتارىن، كورمەلەر جانە ت.ب. وتكىزۋ جوسپارلانعان.
داۋرەن ابايەۆ ءىس-شارالار مەن كامپانيالارعا قاتىسۋدىڭ ءماجبۇرلى ءتارتىبىن بولدىرماۋعا شاقىردى.
«اتقارىلاتىن جۇمىستىڭ باستى ماقساتى – وتانداستارىمىزدىڭ، اسىرەسە، جاستاردىڭ مەملەكەتتىك رامىزدەر كۇنىن جان-جۇرەگىمەن سەزىنىپ، ماقتان تۇتۋىنا جاعداي جاساۋ – پرەزيدەنت ايقىنداعان "جاڭا قازاقستاندى" قۇرۋ جولىنداعى ماڭىزدى قادام»، - دەدى مينيستر.
كەڭەس بارىسىندا مەملەكەتتىك ەلتاڭبانىڭ اۆتورى جانداربەك مالىبەكوۆ، عالىم جامبىل ارتىقبايەۆ، الماتى قالاسى اكىمىنىڭ ورىنباسارى ارمان قىرىقبايەۆ جانە شىعىس قازاقستان وبلىسى اكىمىنىڭ ورىنباسارى ازامات مۇحامەدچينوۆ ءسوز سويلەدى.