ارنايى جوبا ازىرلەندى.
الماتىدا 2022 جىلى 1066 كوشەگە سىرتقى جارىقتاندىرۋ جۇيەسى ورناتىلادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قالا اكىمدىگى باسپا ءسوز قىزمەتىنىڭ مالىمەتىنشە، 2019-2022 جىلدارعا ارنالعان «الماتى قالاسىنىڭ سىرتقى جارىق جەلىلەرىن مودەرنيزاسيالاۋ» مەملەكەتتىك-جەكەشەلىك ارىپتەستىك شارتى اياسىندا 41 ماگيسترالدى كوشەدە ەسكى سىرتقى جارىق جەلىلەرى جاڭاردى، جاڭا باعانالار ورناتىلدى، 15 مىڭنان استام شام اۋىستىرىلدى.
بۇل قۇرىلعىلاردى اۋىستىرۋ جىل سايىن ەلەكتر ەنەرگياسىن 20%-عا ۇنەمدەيدى.
2022 جىلى 24 كوشەنى جاڭعىرتۋ جوسپارلانعان، ونىڭ اياسىندا 5 مىڭعا جۋىق شام اۋىستىرىلاتىن بولادى.
سونىمەن قاتار الماتىدا «شەتسىز قالا» باعدارلاماسىنا سايكەس، 2020 جىلى 1423 كوشەگە سىرتقى جارىق جەلىلەرى جۇرگىزىلدى. بىلتىر 601 كوشەگە (4 اۋدان: المالى، اۋەزوۆ، بوستاندىق، مەدەۋ) سىرتقى جارىق جەلىلەرى جۇرگىزىلىپ، جارىق شامدارى ورناتىلدى.
بيىل 1066 ءىشىنارا جارىقتاندىرىلماعان كوشەگە جارىق شامدارى ورناتىلادى.
«قالانىڭ اۋلا اۋماقتارىن جارىقپەن قامتاماسىز ەتۋ بويىنشا جوبا ازىرلەندى. قازىرگى ۋاقىتتا قالانىڭ 486 اۋلا اۋماعىندا قۇرىلىس جۇمىستارىن جۇرگىزۋ ءۇشىن مەردىگەر ۇيىمدى انىقتاۋ بويىنشا كونكۋرستىق راسىمدەر جۇرگىزىلۋدە»، - دەپ حابارلادى اكىمدىكتەن.