ەڭ العاش وپەراسيا «ستەنوكارديا» دياگنوزى بار 81 جاستاعى پاسيەنتكە جۇرگىزىلدى.
ورتالىق قالالىق كلينيكالىق اۋرۋحانادا ينتەرۆەنسيالىق كارديولوگيا بولىمشەسىنىڭ اشىلۋ ءراسىمى ءوتىپ، ونىڭ قىزمەتىنە تاجدىك ارتەريا تامىرىن تەنتتەۋ جانە كورونوگرافيا جۇرگىزۋ، سوڭىنان جۇرەككە باسقا دا ينتەرۆەنسيالىق ارالاسۋلاردى ەنگىزۋ بولىپ تابىلادى، دەپ حابارلايدى Almaty-akshamy.kz.
ەڭ العاش وپەراسيا «ستەنوكارديا» دياگنوزى بار 81 جاستاعى پاسيەنتكە جاسالدى. جاڭا بولىمشەنىڭ مەڭگەرۋشىسى، ينتەرۆەنسيالى كارديولوگ ەرجان ءقۇتتىعوجيننىڭ ايتۋىنشا، ستەنوكارديا جۇرەكتىڭ يشەميالىق اۋرۋىنىڭ ءبىرى بولىپ سانالادى جانە ول جۇرەك كۇرەتامىرىنىڭ اتەروسكلەروزى نەمەسە سپازما فونىنداعى جۇرەك بۇلشىقەتىنىڭ قانمەن قامتاماسىز ەتىلۋىنىڭ بۇزىلۋىنان بولادى.
«وسىنداي بولىمشەنىڭ اشىلۋىمەن ءبىز ەندى جوسپارلى ينتەرۆەنيسيالىق كارديولوگيالىق مەديسينالىق كومەك كورسەتە الامىز، ياعني، تەگىن تۇردە جۇرەك تامىرىن ەمدەۋ ءۇشىن تمككك جانە ءمامس تاراپىندا ءشاعىنينۆازيۆتى حيرۋرگيالىق ارالاسا الامىز. ءتاجدى كۇرەتامىرىن ستەنتتەۋ جانە كوروناروگرافيا جۇرگىزۋ پاسيەنتتىڭ ەسى قالپىندا اياعى نەمەسە قولىنداعى تامىرىن تەسۋ، رەنتگەنمەن بارلىق بەينەنى كورونارلىق اڭعاردى جالپى كورۋمەن جۇرەك تامىرلارىنا كاتەتەر جانە كونتراست قويۋ ارقىلى جۇرگىزىلەدى. وپەراسيا ەش قيىندىقسىز ءساتتى ءوتتى، قازىرگى كەزدە پاسيەنت ستاسيوناردا جاتىر، وندا تۇراقتى تەراپيا الىپ وتىرادى. الداعى ۋاقىتتا بولىمشەدە اريتمولوگيالىق ينتەرۆەنسيالى ارالاسۋ وپەراسياسى جۇرگىزىلەتىن بولادى»، - دەدى كارديولوگ.
سونداي-اق، مامان ستەنوكارديا ۇستاماسى شۇعىل تەراپيانى قاجەت ەتەدى، سەبەبى ەگەر ۇستاما ۇزاققا سوزىلىپ كەتسە، ارتى ناۋقاستىڭ ومىرىنە ءقاۋىپ توندىرەتىن كۇردەلى اۋرۋشاڭدىق - ميوكارد ينفاركتىنە اپارادى.
«باستاپقى اۋرۋ پايدا بولعان كەزدە دەر كەزىندە مامانعا جۇگىنۋ كەرەك. سول سياقتى پروفيلاكتيكالىق ماقساتتا كەڭەس الۋ ءۇشىن كارديولوگقا بارۋى ءتيىس»، - دەلىنگەن ورتالىق قالالىق كلينيكالىق اۋرۋحانانىڭ باسپا ءسوز قىزمەتىنىڭ حابارلاماسىندا.
