مەملەكەتتىك رامىزدەردى قورلاعاندارعا سالىناتىن ايىپپۇل مولشەرىن 3 مىڭ اەك-كە دەيىن ۇلعايتۋ ماسەلەسى پىسىقتالىپ جاتىر.
بۇل تۋرالى پرەمەر-مينيستر ءاليحان سمايىلوۆتىڭ سەنات دەپۋتاتتارىنىڭ ساۋالىنا بەرگەن جاۋابىندا ايتىلعان، دەپ حابارلايدى Almaty-almaty.kz
ايتا كەتەيىك، ۇكىمەت باسشىسىنا دەپۋتاتتىق ساۋال جولداعان سەناتورلار مەملەكەتتىك رامىزدەردى قورلاۋ بويىنشا زاڭ باپتارىن بارىنشا قاتايتۋدى، بەلگىلەنگەن ايىپپۇل مولشەرىن ەكى ەسە كوبەيتۋدى جانە جازا مەرزىمىن 5 جىلعا دەيىن ۇزارتۋدى تالاپ ەتكەن بولاتىن.
«ءقازىر قازاقستان رەسپۋبليكاسى قىلمىستىق كودەكسىنىڭ «مەملەكەتتىك رامىزدەردى قورلاۋ» تۋرالى 372-بابىندا كوزدەلگەن جاۋاپكەرشىلىكتى قاتاڭداتۋدى، سونىڭ ىشىندە ەڭ جوعارى ايىپپۇلدى 2 000-نان 3 000 ايلىق ەسەپتىك كورسەتكىشكە دەيىن ۇلعايتۋ جانە قوعامدىق جۇمىستارعا تارتۋدىڭ ەڭ ۇزاق مەرزىمىن 600-دەن 900 ساعاتقا دەيىن ۇلعايتۋ بويىنشا تۇزەتۋلەردى مۇددەلى مەملەكەتتىك ورگاندار پىسىقتاپ جاتىر»، - دەلىنگەن ءاليحان سمايىلوۆتىڭ جاۋابىندا.