الماتىدا «بومبا قويىلدى» دەگەن سوت عيماراتىن قالانىڭ شۇعىل جەدەل قىزمەتتەرى تەكسەرىپ شىقتى.
ناتيجيەسىندە ەشقانداي جارىلعىش زات تابىلعان جوق، دەپ حابارلايدى Almaty-akshamy.kz قازاقپاراتقا سىلتەمە جاساپ.
«قازبەك بي كوشەسىندە ورنالاسقان سوت عيماراتىنداعى تەكسەرۋ جۇمىستارى اياقتالدى. ول جەردەن جارىلعىش زات تابىلعان جوق. قازىرگى ۋاقىتتا ەكسترەميزگە قارسى ءىس-قيمىل باسقارماسى جالعان اقپارات تاراتۋشىنى ىزدەستىرىپ جاتىر. وعان قاتىستى شارا قولدانىلاتىن بولادى»، - دەدى الماتى قالالىق پوليسيا دەپارتامەنتىنىڭ رەسمي وكىلى سالتانات ازىربەك.
بۇعان دەيىن الماتى قالالىق سوت عيماراتىنان سۋديالار مەن قىزمەتكەرلەردىڭ ەۆاكۋاسيالانىپ جاتقانى تۋرالى جازعان بولاتىنبىز .