ۇلتتىق ستاتيستيكا بيۋروسى قازاقستاندا ەڭ جوعارى ايلىقتى كىمدەر الىپ جۇرگەنى تۋرالى مالىمەت ۇسىندى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«جالاقىنىڭ ەڭ جوعارى مولشەرىنە قاتىستى كەلەسىنى حابارلايمىز. بيۋرو جىل سايىن «جالاقى قۇرىلىمى جانە ونى ءبولۋ تۋرالى ەسەپ» ستاتيستيكالىق نىسانى نەگىزىندە كاسىپورىندارعا زەرتتەۋ جۇرگىزەدى. ەسەپتى جىلدىڭ ءساۋىر ايىندا تولىق جۇمىس ىستەگەن بارلىق قىزمەتكەرلەر زەرتتەۋگە جاتادى.
وسىلايشا، 2021 جىلدىڭ قورىتىندىسى بويىنشا، ەڭ جوعارى جالاقى «ازاماتتىق قۇرىلىس» سالاسىنداعى باسقارۋشىدا (كوممەرسيالىق قىزمەتتە) – 4،5 ملن تەڭگە سوماسىندا، سونداي-اق «شيكى مۇناي جانە تابيعي گاز ءوندىرۋ» سالاسىنداعى باس ديرەكتوردا – 3،9 ملن تەڭگە جانە «اۆتوموبيلدەر مەن موتوسيكلدەر ساۋداسىنان باسقا كوتەرمە ساۋدادا ساتۋ» سالاسىنداعى ينۆەستيسيالىق جوبالار جونىندەگى ديرەكتوردا – 3،9 ملن تەڭگە بولىپ بەلگىلەندى. بۇل جەردە جالاقى مولشەرى لاۋازىمعا جانە ەكونوميكالىق قىزمەت ءتۇرى، ايماق، بىلىكتىلىك، جۇمىس ءوتىلى جانە باسقالارى سياقتى ماڭىزدى فاكتورلارعا بايلانىستى»، - دەپ جازىلعان ۆەدومستۆونىڭ رەسمي جاۋابىندا.
سونىمەن، ەڭ جوعارى ايلىقتىڭ كولەمى 3،9 ملن تەڭگەدەن باستالادى دەسەك، ونى الاتىنداردىڭ ەڭبەككە جارامدى حالىقتىڭ ىشىندەگى ۇلەسى 0،1 پايىزعا دا جەتپەيتىن كورىنەدى.
«2021 جىلعى زەرتتەۋ قورىتىندىسى بويىنشا، زەرتتەۋگە قاتىساتىن ادامداردىڭ جالپى سانىنان 3،9 ملن تەڭگەدەن استام جالاقىنى 0،1% تومەن ادام الدى. 275 مىڭ تەڭگەدەن استام جالاقىنى 28،4% ادام الدى»، - دەپ جازادى ۇلتتىق ستاتيستيكا بيۋروسىنىڭ ماماندارى.
بۇعان دەيىن بيۋرو قازاقستاندىقتاردىڭ ورتاشا جالاقىسى 312 مىڭ تەڭگەدەن اسقانى تۋرالى مالىمەت تاراتقان ەدى.
سونداي-اق، جان باسىنا شاققانداعى ورتاشا ايلىق تابىسى 50 مىڭ تەڭگەگە جەتپەيتىن قازاقستاندىقتاردىڭ ۇلەسى 38،7% بولىپ وتىر.
ۇلتتىق ستاتيستيكا بيۋروسى قازاقستاندا ەڭ كوپ كەزدەسەتىن ايلىق كولەمىن اتادى.