ق ر مەملەكەتتىك قىزمەت ىستەرى اگەنتتىگىنىڭ دەپارتامەنتىنە ۋاكىلەتتى ورگاننىڭ اۋماقتىق بولىمشەسى رەتىندە مەملەكەتتىك قىزمەتشىلەردىڭ مەملەكەتتىك قىزمەت تۋرالى زاڭناما جانە قىزمەتتىك ادەپ نورمالارى تالاپتارىنىڭ ساقتالۋىن باقىلاۋ فۋنكسيالارى جۇكتەلگەن.
سونىمەن قاتار، دەپارتامەنتتىڭ فۋنكسيالارىنىڭ ءبىرى مەملەكەتتىك قىزمەتشىلەردىڭ قۇقىقتارىن قورعاۋ بولىپ تابىلادى
تالداۋ بارىسىندا دەپارتامەنت الماتى قالاسى اكىمدىگىنىڭ قاۋلىسىمەن شتاتتىق سانى 59 بىرلىكتى قۇرايتىن ەكى باسقارمانى بىرىكتىرۋ جولىمەن جاڭا باسقارما قۇرىلعانىن انىقتادى.
مەملەكەتتىك ورگانداردى قايتا قۇرۋ كەزىندە جاڭا باسقارمانىڭ 47 قىزمەتكەرىنە جالاقى تولەۋ مەرزىمدەرىن بۇزۋعا جول بەرىلدى، ياعني قىركۇيەك ايىنداعى جالاقى 2025 جىلعى 22 قازاندا تولەندى، بۇل زاڭنامادا بەلگىلەنگەن مەرزىمنەن 12 كۇنگە ارتىق.
"قازاقستان رەسپۋبليكاسىنىڭ مەملەكەتتىك قىزمەتى تۋرالى" ق ر زاڭىنىڭ 9- بابى 9 تارماقشاسىنا سايكەس، مەملەكەتتىك قىزمەتشىنىڭ ءوزى اتقاراتىن مەملەكەتتىك لاۋازىمىنا، جۇمىس ساپاسىنا، تاجىريبەسىنە جانە وسى زاڭدا بەلگىلەنگەن وزگە دە نەگىزدەرگە بايلانىستى ىنتالاندىرۋعا جانە ەڭبەكاقى تولەۋگە قۇقىعى بار.
سونداي-اق، ق ر ەڭبەك كودەكسىنىڭ 113-بابىنىڭ 1-تارماعىنا سايكەس جالاقى بەلگىلەنىپ، كەلەسى ايدىڭ ءبىرىنشى ونكۇندىگىنەن كەشىكتىرمەي، ياعني كەلەسى ايدىڭ 10-كۇنىنەن كەشىكتىرمەي ايىنا ءبىر رەتتەن ق ر ۇلتتىق ۆاليۋتاسىندا اقشالاي نىساندا تولەنەدى.
سونىمەن قاتار، ق ر ەڭبەك كودەكسىنىڭ 113-بابىنىڭ 4-تارماعىنا سايكەس جالاقى تولەۋ مەرزىمدەرى بۇزىلعان جاعدايدا، جۇمىس بەرۋشى قىزمەتكەرگە ق ر ۇلتتىق بانكىنىڭ بازالىق مولشەرلەمەسىنىڭ 1،25 ەسەلەنگەن مولشەرىندە تولەمدى كەشىكتىرۋ كەزەڭى ءۇشىن بەرەشەك پەن ءوسىمپۇل تولەيدى.
تالداۋ قورىتىندىسى بويىنشا باسقارماعا تولەمدى كەشىكتىرۋ كەزەڭىندە ءوسىمپۇل تولەۋ جانە بۇدان ءارى مۇنداي بۇزۋشىلىقتارعا جول بەرمەۋ ارقىلى مەملەكەتتىك قىزمەتشىلەردىڭ قۇقىقتارىن قالپىنا كەلتىرۋ قاجەتتىلىگى تۋرالى ۇسىنىس جىبەرىلدى.
دەپارتامەنتتىڭ ۇسىنىمىن ورىنداۋ ماقساتىندا جاڭا باسقارمانىڭ 47 قىزمەتكەرىنە جالاقى بويىنشا بەرەشەك تولەندى، وسىعان بايلانىستى مەملەكەتتىك قىزمەتشىلەردىڭ قۇقىقتارى قالپىنا كەلتىرىلدى.
جوعارىدا ايتىلعانداردىڭ نەگىزىندە ازاماتتار مەملەكەتتىك قىزمەت ىستەرى اگەنتتىگىنە جانە ونىڭ اۋماقتىق دەپارتامەنتتەرىنە جۇگىنە الاتىنىن حابارلايمىز.