جۇمىس ۋاقىتى رەجيمىن ساقتاۋ مەملەكەتتىك ورگانداردىڭ قىزمەتىن ۇيىمداستىرۋدىڭ ماڭىزدى ەلەمەنتى بولىپ تابىلادى جانە جۇكتەلگەن فۋنكسيالاردىڭ ءتيىمدى ورىندالۋىنا تىكەلەي اسەر ەتەدى. بەلگىلەنگەن جۇمىس كەستەسىن ساقتاۋ، جۇمىس ۋاقىتىنىڭ دۇرىستاپ ەسەپكە الىنۋى جانە مەملەكەتتىك قىزمەتشىلەردىڭ جۇمىس ورىندارىندا بولۋى مەملەكەتتىك قىزمەتتىڭ تۇراقتىلىعىن قامتاماسىز ەتىپ، كورسەتىلەتىن قىزمەتتەردىڭ ساپاسىن ارتتىرۋعا ىقپال ەتەدى
الماتى قالاسىنىڭ مەملەكەتتىك ورگاندارىندا جۇمىس ۋاقىتى رەجيمىنىڭ ساقتالۋى تۇراقتى باقىلاۋدا بولادى. ىشكى مونيتورينگ كادر قىزمەتتەرى مەن قۇرىلىمدىق بولىمشە باسشىلارى تاراپىنان تابەل جۇرگىزۋ، ەلەكتروندىق تىركەۋ جۇيەلەرىنىڭ دەرەكتەرىن تالداۋ، سونداي-اق ەڭبەك ءتارتىبى بۇزۋشىلىقتارىنىڭ الدىن الۋعا باعىتتالعان پروفيلاكتيكالىق شارالاردى ىسكە اسىرۋ ارقىلى جۇزەگە اسىرىلادى. اتالعان شارالار اۋىتقۋلاردى ۋاقىتىلى انىقتاپ، قاجەتتى باسقارۋشىلىق شەشىمدەر قابىلداۋعا مۇمكىندىك بەرەدى.
بۇدان بولەك، قازاقستان رەسپۋبليكاسىنىڭ مەملەكەتتىك قىزمەت ىستەرى اگەنتتىگىنىڭ الماتى قالاسى بويىنشا دەپارتامەنتى جۇمىس ۋاقىتى رەجيمىنە قاتىستى ەڭبەك زاڭناماسىنىڭ تالاپتارىنىڭ ورىندالۋىنا جۇيەلى مونيتورينگ جۇرگىزەدى. مونيتورينگ شەڭبەرىندە ناقتى جۇمىس ۋاقىتىنىڭ ەسەپكە الىنۋىنىڭ دۇرىستىعى، ارتىق جۇمىس ساعاتتارىنىڭ نەگىزدىلىگى، بەلگىلەنگەن كەستەنىڭ ساقتالۋى باعالانادى جانە قىزمەتكەرلەردىڭ بۇزىلعان ەڭبەك قۇقىقتارىن قالپىنا كەلتىرۋ جونىندە شارالار قابىلدانادى. مونيتورينگتىڭ نەگىزگى ماقساتى — ءتارتىپتى نىعايتۋ، پروسەستەردىڭ اشىقتىعىن قامتاماسىز ەتۋ جانە مەملەكەتتىك قىزمەتشىلەردىڭ جاۋاپكەرشىلىك دەڭگەيىن ارتتىرۋ.
2025 جىلدىڭ IV توقسانىنىڭ قورىتىندىلارى بويىنشا الماتى قالاسىنىڭ مەملەكەتتىك ورگاندارىندا 35-تەن استام مەملەكەتتىك قىزمەتشىنىڭ ەڭبەك قۇقىقتارى قالپىنا كەلتىرىلدى. ارتىق جۇمىس ۋاقىتىنىڭ ورنىن تولتىرۋ ماقساتىندا ولارعا زاڭنامادا كوزدەلگەن دەمالىس ساعاتتارى بەرىلدى، ولاردىڭ جالپى كولەمى شامامەن 260 ساعاتتى قۇرادى. بۇل ناتيجەلەر مەملەكەتتىك ورگانداردىڭ ەڭبەك ستاندارتتارىنىڭ ساقتالۋىنا جانە ءادىل ەڭبەك جاعدايلارىن قامتاماسىز ەتۋگە ەرەكشە ءمان بەرەتىنىن كورسەتەدى.
جۇمىس ۋاقىتى رەجيمىنىڭ ساقتالۋىن قامتاماسىز ەتۋ بويىنشا ىشكى باقىلاۋدى، سىرتقى باعالاۋدى جانە پروفيلاكتيكالىق جۇمىستى قامتيتىن ءىس-شارالار كەشەنى الماتى قالاسىنىڭ مەملەكەتتىك ورگاندارىنداعى ءتارتىپتى نىعايتۋعا، ءتيىمدى ەڭبەك ورتاسىن قالىپتاستىرۋعا جانە ولاردىڭ قىزمەتىنىڭ ناتيجەلىلىگىن ارتتىرۋعا ىقپال ەتەدى. وسى باعىتتاعى جۇيەلى جۇمىس مەملەكەتتىك باسقارۋدىڭ ساپالى جۇزەگە اسىرىلۋىنىڭ جانە ءاربىر مەملەكەتتىك قىزمەتشىنىڭ ءوز مىندەتتەرىن ادال ورىنداۋىنىڭ نەگىزگى قاعيداتى بولىپ سانالادى.
اتالعان باعىتتا جۇمىس جالعاساتىن بولادى.