مەملەكەتتىك ورگانداردىڭ قىزمەتىندە ازاماتتاردىڭ وتىنىشتەرىن قاراۋ جۇمىسى ۇلكەن ماڭىزعا يە، سەبەبى كليەنتكە باعدارلانعان مەملەكەتتىك اپپاراتتى قۇرۋ تەك مەملەكەتتىك قىزمەتشىلەر ازاماتتاردىڭ پروبلەمالىق ماسەلەلەرىن مۇقيات قاراعان، زاڭناما تالاپتارىن تۇسىندىرگەن جانە بۇزۋشىلىقتاردى جويۋعا كومەكتەسكەن جاعدايدا عانا مۇمكىن بولادى.
پراكتيكادا ءالى دە ازاماتتاردىڭ قۇقىقتارى مەن مۇددەلەرى بۇزىلاتىن جاعدايلار كەزدەسەدى: مەملەكەتتىك ورگاندار وتىنىشتەردى قاراۋ مەرزىمىن نەگىزسىز بۇزادى، مەملەكەتتىك قىزمەتتەردى ۋاقىتىندا كورسەتپەيدى، نەگىزسىز باس تارتادى، بۇل ءوز كەزەگىندە حالىقتان شاعىمداردىڭ تۇسۋىنە اكەلەدى.
ايتا كەتۋ كەرەك، دەپارتامەنتتىڭ قىزمەتى ازاماتتاردىڭ قۇقىقتارىن قالپىنا كەلتىرۋگە باعىتتالعان جۇمىستى ساپالى ۇيىمداستىرۋعا تولىقتاي ارنالعان. وسى ماقساتتا ازاماتتارعا ءوز سۇراۋلارى، وتىنىشتەرى مەن شاعىمدارىن جولداۋعا مۇمكىندىك بەرەتىن «Telegram» جەلىسىندە ارنايى پلاتفورما قۇرىلدى.
2025 جىلى «Telegram» جۇيەسىنە 409 ءوتىنىش تۇسكەن، ونىڭ ىشىندە 72 ءوتىنىش بويىنشا ماسەلەلەر وڭ شەشىمىن تاپقان، ال 337 وتىنىشكە تۇسىندىرمە سيپاتتاعى جاۋاپ بەرىلگەن.
مىسالى، دەپارتامەنت ازامات ر.-عا «باستاپقى مەديسينالىق-سانيتارلىق كومەكتى كورسەتەتىن مەديسينالىق ۇيىمعا تىركەلۋ» مەملەكەتتىك قىزمەتىن الۋ كەزىندە قۇقىقتارىن قالپىنا كەلتىرۋگە كومەك كورسەتتى. اتاپ ايتقاندا، ازامات ءوز تۇرعىلىقتى جەرىندەگى پوليكلينيكاعا تىركەلۋ ءۇشىن ءوتىنىش بەرگەن. مەملەكەتتىك قىزمەت كورسەتۋدىڭ مەرزىمى 1 جۇمىس كۇنى بولعانىنا قاراماستان، ازاماتقا ءبىر اپتا كۇتۋگە تۋرا كەلگەن.
دەپارتامەنتتىڭ ارالاسۋىنان كەيىن پوليكلينيكاداعى بۇزۋشىلىقتار جويىلىپ، ازاماتقا مەملەكەتتىك قىزمەت جەدەل كورسەتىلدى.