مەملەكەتتىك قىزمەتشىلەر حالىققا جاقىن بولا باستاي ما؟

قازاقستاندا ادەپ كودەكسىنىڭ جاڭا جوباسى ازىرلەندى.

ەلىمىزدە مەملەكەتتىك قىزمەتشىلەرگە ارنالعان ادەپ كودەكسىنىڭ جاڭا جوباسى دايىندالدى. بۇل تۋرالى ق ر مەملەكەتتىك قىزمەت ىستەرى اگەنتتىگىنىڭ ءتوراعاسى دارحان جازىقبايەۆ ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.

«اگەنتتىك مەملەكەتتىك قىزمەتشىلەردىڭ ەڭبەك قۇقىقتارىنىڭ ساقتالۋى بويىنشا مونيتورينگ جۇرگىزۋ جۇمىسىن جالعاستىرۋدا. مەملەكەتتىك قىزمەتشىلەردىڭ قۇقىقتارىن قورعاۋ ماقساتىندا «ە-قىزمەت» جۇيەسىن ينتەگراسيالاۋ جۇمىسى ءجۇرىپ جاتىر. ازىرشە 119 ينتەگراسيا جۇزەگە اسىرىلدى. اگەنتتىكتىڭ باستاماسىنا ساي اۋماقتىق دەپارتامەنتتەر مەن ەڭبەك ينسپەكسياسى جونىندەگى وڭىرلىك باسقارمالاردىڭ اراسىندا ءوزارا ىنتىماقتاستىق تۋرالى مەموراندۋم جاسالدى»، - دەدى دارحان جازىقبايەۆ اگەنتتىگىنىڭ كەڭەيتىلگەن القا وتىرىسىندا.

اگەنتتىك باسشىسىنىڭ ايتۋىنشا، مەملەكەتتىك قىزمەتشىلەردىڭ ەڭبەك قۇقىعىن بۇزۋ بويىنشا 93 ماتەريال قارالىپ، ناتيجەسىندە 65 قىزمەتشىگە قوسىمشا دەمالىس بەرىلدى جانە اتالعان ولقىلىققا جول بەرگەن 2 باسشى اكىمشىلىك جاۋاپكەرشىلىككە تارتىلدى.

«مەملەكەتتىك قىزمەت سالاسىنا قاتىستى نورماتيۆتىك-قۇقىقتىق بازانى جەتىلدىرۋگە قاتىستى اگەنتتىككە ۇسىنىستار بەرۋدى قولعا الۋ قارالۋدا. مەملەكەتتىك باقىلاۋدى جۇزەگە اسىرۋ، مەملەكەتتىك قىزمەتشىلەردىڭ ادەبى ماسەلەلەرى بويىنشا زاڭنامانى جەتىلدىرۋ ماقساتىندا ادەپ كودەكسى ۇلگىسىنىڭ جاڭا جوباسى ازىرلەندى. وندا ادامعا باعدارلانعان مەملەكەتتىك اپپارات قالىپتاستىرۋ، مەملەكەتتىك قىزمەت كورسەتۋدەگى اشىقتىق قاعيداسىنىڭ ساقتالۋىنا باسىمدىق بەرىلگەن»، - دەيدى ول.