سوت ۇكىم شىعاردى.
نۇر-سۇلتان سوتى بۇرىنعى قورعانىس ءمينيسترى مۇرات بەكتانوۆتى ەكى ايعا قاماۋعا الۋ تۋرالى ۇكىم شىعاردى، دەپ حابارلادى Almaty-akshamy.kz.
«2022 جىلدىڭ 22 اقپانىندا نۇر-سۇلتان قالاسىنىڭ مامانداندىرىلعان اۋدانارالىق تەرگەۋ سوتى كۇدىكتى مۇرات بەكتانوۆقا قاتىستى ەكى اي مەرزىمگە قاماۋعا الۋ تۇرىندەگى بۇلتارتپاۋ شاراسىن سانكسيالادى»، - دەلىنگەن سوت حابارلاماسىندا.
سوتالدى تەرگەپ-تەكسەرۋدىڭ باسقا دەرەكتەرى قىلمىستىق ءىس جۇرگىزۋ كودەكسىنىڭ 201-بابىنا سايكەس جاريا ەتۋگە جاتپايتىنى ايتىلدى.
بۇعان دەيىن بۇرىنعى قورعانىس ءمينيسترى مۇرات بەكتانوۆ ۋاقىتشا ۇستاۋ يزولياتورىنا قامالعانى حابارلانعان بولاتىن.
ايتا كەتەيىك، پرەزيدەنت 19 قاڭتاردا بەكتانوۆتى سىنعا الىپ، قىزمەتىنەن بوساتقان بولاتىن. توقايەۆتىڭ ايتۋىنشا، مۇرات بەكتانوۆ قازاقستانداعى تارتىپسىزدىكتەر كەزەڭىندە كوماندير رەتىندە قابىلەتىن كورسەتە الماعان.