«مەملەكەتتىك كورسەتىلەتىن قىزمەتتەر تۋرالى» قازاقستان رەسپۋبليكاسىنىڭ 2013 جىلعى 15 ءساۋíردەگí №88-V زاڭىنا سايكەس، مەملەكەتتىك كورسەتىلەتىن قىزمەت — كورسەتىلەتىن قىزمەتتى الۋشىلاردىڭ ءوتىنىشى بويىنشا جەكە ءتارتíپپەن جۇزەگە اسىرىلاتىن جانە ولاردىڭ قۇقىقتارىن، بوستاندىقتارى مەن زاڭدى مۇددەلەرىن ىسكە اسىرۋعا، ولارعا ءتيىستى ماتەريالدىق نەمەسە ماتەريالدىق ەمەس يگىلىكتەر بەرۋگە باعىتتالعان جەكەلەگەن مەملەكەتتىك فۋنكسيالاردى ىسكە اسىرۋ نىساندارىنىڭ ءبىرى بولىپ تابىلادى.
قازىرگى تاڭدا مەملەكەتتىك كورسەتىلەتىن قىزمەتتىڭ 93% ونلاين فورماتتا كورسەتىلەدى.
«ە-Gov Mobile» موبيلدىك قوسىمشاسى بويىنشا 641 مەملەكەتتىك كورسەتىلەتىن قىزمەتتىڭ تۇرلەرى قولجەتىمدى، «ە-Gov» ەلەكتروندى پورتالى ارقىلى 474 مەملەكەتتىك قىزمەت جەكە جانە زاڭدى تۇلعالارعا E-license ەلەكتروندىق اقپاراتتىق جۇيەسى ارقىلى كورسەتىلەدى.
ازاماتتاردىڭ قاجەتتىلىكتەرىن تولىقتاي قاناعاتتاندىراتىن مەملەكەتتىك قىزمەت كورسەتۋدىڭ ءتيىمدى، قولجەتىمدى جانە ۋاقىتىلى بولۋ ماقساتىندا ءاربىر سالانىڭ مەملەكەتتىك قىزمەتتەر كورسەتۋ ءۇشىن ارنايى رەگلامەنتتەرى مەن ستاندارتتارى بەكىتىلگەن جانە قىزمەتتى ۇسىنۋ پروسەسىنىڭ جەتىلدىرۋىنە قاراي بەكىتىلگەن قاعيدالار تولىقتىرىلىپ، دامىتىلىپ وتىرادى.
حالىقتىڭ سانيتاريالىق-ەپيدەميولوگيالىق سالاماتتىلىعى سالاسىندا كورسەتىلەتىن مەملەكەتتىك قىزمەت اتاۋلارى، بەرۋ تاسىلدەرى، كورسەتۋ مەرزىمى، كورسەتىلەتىن قىزمەتتى الۋشىدان تالاپ ەتىلەتىن قۇجاتتار مەن مالىمەتتەردىڭ تىزبەسى، بەلگىلەنگەن مەملەكەتتىك قىزمەتتى كورسەتۋدەن باس تارتۋ ءۇشىن نەگىزدەر، مەملەكەتتىك قىزمەتتى كورسەتۋ ەرەكشەلىكتەرىن، ەسكەرە وتىرىپ، وزگە دە تالاپتار، سونىمەن بىرگە مەملەكەتتىك قىزمەتتەردى كورسەتۋ ماسەلەلەرى بويىنشا كورسەتىلەتىن قىزمەتتى بەرۋشىلەردىڭ شەشىمدەرىنە، ارەكەتىنە (ارەكەتسىزدىگىنە) شاعىمدانۋ ءتارتىبى «حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى مەملەكەتتىك قىزمەتتەردى كورسەتۋدىڭ كەيبىر ماسەلەلەرى تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2020 جىلعى 30 جەلتوقسانداعى № ق ر دسم-336/2020 بۇيرىعىندا انىقتالىپ كورسەتىلگەن.
اقپاراتتىق-كوممۋنيكاسيالىق تەحنولوگيالار دامىعان زاماندا ەلەكتروندى مەملەكەتتىك قىزمەت كورسەتۋدى پيدالانۋدىڭ ءبىر جولى – بۇقارالىق اقپارات قۇرالدارىندا، الەۋمەتتىك جەلىلەردە، مەملەكەتتىك ورگانداردىڭ رەسمي ۆەب-سايت پاراقشالارىندا، موبيلدىك قوسىمشالاردا ەلەكتروندى مەملەكەتتىك قىزمەت كورسەتۋدىڭ تارتىپتەرى مەن تالاپتارىن ۇنەمى جارنامالاۋ بولىپ تابىلادى.
مەملەكەتتىك كىزمەت كورسەتۋ ساپاسىن ارتتىرۋ - مەملەكەتتىڭ دامۋ كورسەتكىشتەرىنىڭ ءبىرى جانە جەمقورلىقتى جويۋعا، حالىقتىڭ زاڭدى قۇقىقتارى مەن مۇددەلەرىن قورعاۋعا مۇمكىندىك بەرەدى.