تجم قانداي شارالاردى قولعا الدى؟
ق ر توتەنشە جاعدايلار ءمينيسترى شىڭعىس ءارىنوۆ 2024 جىلدىڭ 20 اقپانىندا ۇكىمەتتە وتكەن باسپا ءسوز ءماسليحاتىندا الماتىلىقتار ءۇشىن ەۆاكۋاسيا جانە جەر سىلكىنىسى كەزىندە كومەك قالاي ۇيىمداستىرىلاتىنى تۋرالى ايتتى، دەپ حابارلايدى Almaty-akshamy.kz
توتەنشە جاعدايلار ءمينيسترى ءزىلزالادان كەيىن مينيسترلىكتىڭ ءبىرقاتار دەپارتامەنتتەرى مەن كوميتەتتەرىنىڭ باسشىلارىن الماتىعا جىبەرىپ قويعانىن اتاپ ءوتتى.
"ءبىز مەنشىك يەلەرىنىڭ بىرلەستىگى جانە پاتەر يەلەرى كووپەراتيۆىمەن جۇمىس ىستەيمىز، جەرگىلىكتى جەردە ءبىز ءاربىر ءۇيدى، ءار اۋلانى، ءار پودەزدى قاجەت بولسا ساناتقا بولەمىز. ءبىز سول جەردە تۇراتىن حالىق اراسىنان "قىراعى" دەپ اتالاتىنداردى تاڭدايمىز. ناتيجەسىندە ولار قىراعى بولمايدى، ءبىز ولاردى كەيىنىرەك باسقاشا اتايمىز. بۇل بۇرىنعى قىزمەتكەرلەر، ولاردىڭ دايىندىعى بار، بۇل ءبىزدىڭ زەينەتكەرلەر. ولار قاجەتتى ۋاقىتتا ءىس-شارالار ۇيىمداستىرا الادى"، دەدى شىڭعىس ارىنوۆ.
توتەنشە جاعدايلار مينيسترلىگىنىڭ باسشىسى قۇتقارۋشىلاردىڭ تۇرعىنداردىڭ چاتتارىن دا پايدالاناتىنىن ايتتى.
"ءار مەنشىك يەلەرىنىڭ بىرلەستىگى جانە پاتەر يەلەرى كووپەراتيۆتەرىنىڭ جەكە چاتتارى بار، ءبىز Telegram-ارنامىزدا حالىقتى بەلسەندى تۇردە حاباردار ەتە باستادىق. ءاربىر ازاماتقا بەلگىلى ءبىر جاعدايلاردا قانداي ارەكەتتەر جاساۋ كەرەكتىگىن قاراپايىم تىلمەن ءتۇسىندىرۋ ءۇشىن وسى چاتتاردا اقپاراتتى قايتالاۋدى جوسپارلاپ وتىرمىز"، دەدى شىڭعىس ارىنوۆ.