الماتى جاستارى ەسىرتكى جارنامالارىن ءوشىردى، دەپ حابارلايدى almaty-akshamy.kz
الماتى قالاسىنىڭ پوليسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى مەن قالامىزدىڭ بەلسەندى جاستارى بىرلەسىپ، المالى اۋدانىنداعى ەسىرتكى جارنامالارىن ءوشىرۋ بويىنشا «جاستار ەسىرتكىگە قارسى» اكسياسىن وتكىزدى.
اتالعان ءىس-شارانىڭ ماقساتى – جاستارعا ەسىرتكىنىڭ زياندىلىعىن تۇسىندىرە وتىرىپ، سالاۋاتتى ءومىردى تاڭداۋعا شاقىرۋ. جاستار الماتى قالاسىنىڭ پوليسيا دەپارتامەنتىنىڭ قىزمەتكەرلەرىمەن ەسىرتكى جارنامالارىن انىقتاپ، ولاردى ءوشىردى. ءىس-شارا بارىسىندا اۋدان اۋماعىنداعى عيماراتتاردىڭ سىرتقى قابىرعاسىنا جازىلعان 100-دەن اسا جارناما جويىلدى.
ايتا كەتەيىك، اتالمىش شارا الداعى ۋاقىتتا قالامىزدىڭ باسقا اۋداندارىندا دا جالعاسىن تاباتىن بولادى.