مەملەكەتتىك ورگانداردىڭ قىزمەتىنە ەل تۇرعىندارىنىڭ كوڭىلى تولا ما؟

جۇرتشىلىقتىڭ باسىم بولىگى پوليسيانىڭ جۇمىسىنا كوڭىلدەرى تولمايدى.

قازاقستاندىقتاردىڭ جارتىسىنان كوبى مەملەكەتتىك قىزمەتشىلەر اراسىندا تەك "جەدەل جاردەم" مەن ءورت سوندىرۋشىلەردىڭ قىزمەتىنە «قاناعاتتانارلىق» دەگەن باعا بەرىپ وتىر، دەپ حابارلايدى Almaty-akshamy.kz قازاقپاراتقا سىلتەمە جاساپ. 

 ق ر ۇلتتىق ستاتيستيكا بيۋروسى جۇرگىزگەن زەرتتەۋگە سايكەس، قازاقستاندىقتار مەملەكەتتىك قىزمەت كورسەتۋ ساپاسىن بىلتىرعىعا  قاراعاندا جوعارى باعالاپ وتىر. جەدەل مەديسينالىق كومەك قىزمەتىنىڭ ساپاسىنا تولىق قاناعاتتاناتىن قازاقستاندىقتاردىڭ ۇلەسى 54،6%-دى قۇراسا، ءورت ءسوندىرۋ قىزمەتىنە 50،2% وتانداسىمىز ريزا.

ودان ءارى پوليسيا قىزمەتىنىڭ ساپاسىنا قاناعاتتانعان قازاقستاندىقتاردىڭ ۇلەسى 43،7%، «ازاماتتارعا ارنالعان ۇكىمەت» مەملەكەتتىك كورپوراسياسى 43،3%، سالىق قىزمەتى 43% جانە باسقا مەملەكەتتىك قىزمەتتەر بويىنشا 39،9%-دى قۇرايدى. زەرتتەۋگە قاتىسقان رەسپوندەنتتەردىڭ مەملەكەتتىك قىزمەتتىڭ ساپاسىنا قاتىستى بىرنەشە جاۋاپتى تاڭداۋعا مۇمكىندىگى بولدى. ونىڭ ىشىندە «قاناعاتتانبايمىن»، «ءىشىنارا قاناعاتتانامىن جانە قاناعاتتانامىن»، سونىمەن قاتار «جاۋاپ بەرۋگە قينالامىن نەمەسە قولدانبايمىن» دەگەن نۇسقالار بولدى.

مەملەكەتتىك قىزمەت كورسەتۋ ساپاسىنا تولىق قاناعاتتانعان رەسپوندەنتتەردىڭ ۇلەسى قالا تۇرعىندارىنا قاراعاندا اۋىلدىق جەرلەردە باسىم. ماسەلەن، جەدەل مەديسينالىق قىزمەتكە اۋىل تۇرعىندارىنىڭ 53،3% وڭ باعاسىن بەرسە، قارسى قالا تۇرعىندارىنىڭ 56،9%-ى قىزمەت ساپاسىنا قاناعاتتانبايدى. سول سياقتى سالىق قىزمەتى بويىنشا اۋىل تۇرعىندارى 49،6%-عا قاناعاتتانسا، ال قالا تۇرعىندارى 39،5%-عا ريزاشىلىعىن ءبىلدىرىپ وتىر. ودان بولەك، حالىققا قىزمەت كورسەتۋ ورتالىعىنىڭ قىزمەتى اۋىلدا 48،7%، قالادا 40،4%-عا، جانە پوليسيا اۋىلدا 48،5% تيىسىنشە قالادا 41،1%-عا باعالاندى.

ال ءورت ءسوندىرۋ قىزمەتىنىڭ ساپاسىنا بىردەي باعا بەرىلدى دەۋگە بولادى. اۋىل تۇرعىندارى 50،3% بولسا، قالا تۇرعىندارى 50،1%-عا وڭ باعاسىن بەرىپ وتىر. رەسپوندەنتتەر كوبىنەسە پوليسيا قىزمەتىنە قاناعاتتانبايدى. زەرتتەۋگە قاتىسۋشىلاردىڭ 4،4%-ى بىردەن قاناعاتتانارلىقسىز دەگەن باعا بەردى. بىلتىر دا سولاي بولعان. سالىق قىزمەتىنىڭ ساپاسىن رەسپوندەنتتەردىڭ 2،8%-ى (2021 جىلى - 2،9%)، حقكو - 2،6% (2021 جىلى - 3،3%)، جەدەل مەديسينالىق كومەك - 2،5% (2021 جىلى - 2،7%)، ءورت ءسوندىرۋ قىزمەتى - 1،5% (2021 جىلى - 2،7%) قاناعاتتانارلىقسىز دەپ باعالادى.