بۇگىن «استانا»، «قايرات» جانە «قىزىل-جار» ۋەفا كونفەرەنسيا ليگاسىنىڭ ەكىنشى ىرىكتەۋ كەزەڭى اياسىنداعى قارىمتا كەزدەسۋلەرىن وتكىزەدى.
نۇر-سۇلتان ۋاقىتىمەن ساعات 21:00-دە «استانا ارەنادا» جەرگىلىكتى «استانا» مەن پولشالىق «راكۋۆ» كەزدەسەدى، دەپ حابارلايدى Almaty-akshamy.kz Elorda.info سايتىنا سىلتەمە جاساپ.
العاشقى ويىندا 5:0 ەسەبىمەن جەڭىسكە جەتكەن پولشالىق كومانداعا قارسى قازاقستاننىڭ التى دۇركىن چەمپيونى قانداي توسىنسىي دايىنداپ وتىرعانى قىزىق.
ال ۆەنگريالىق «كيشۆاردا» مەن الماتىلىق «قايرات» اراسىنداعى ماچ ەلوردا ۋاقىتىمەن 22:00-دە باستالادى. «قايرات» ءبىر اپتا بۇرىن ءوز الاڭىندا 0:1 ەسەبىمەن جەڭىلگەن.
پەتروپاۆلدىق «قىزىل-جار» حورۆاتيادا جەرگىلىكتى «وسيەكپەن» جولىعادى. بۇل ماچ ساعات 0:30-عا جوسپارلانعان. نۇر-سۇلتاندا وتكەن ءبىرىنشى ويىندا الي الييەۆ شاكىرتتەرى 1:2 ەسەبىمەن جەڭىلدى.
اتالعان ءۇش ماچتى دا «Qazsport» تەلەارناسى تىكەلەي ەفيردە كورسەتەدى.