ءقازىر كەز كەلگەن ەلدىڭ ىقپالدى بولۋىنا ۇلتتىق برەندتىڭ اسەرى مول. سوندىقتان، ونىڭ تانىمالدىعىن ارتتىرا ءتۇسۋ كەرەك. ول ءۇشىن ءبىرىڭعاي ديزاين-كودتى، ورتاق ستاندارتتى ساقتاۋ وتە ماڭىزدى - پرەزيدەنت.
تۇركىستاندا ءوتىپ جاتقان ۇلتتىق قۇرىلتايدىڭ «ادىلەتتى قازاقستان – ادال ازامات» اتتى ەكىنشى وتىرىسىندا پرەزيدەنت قاسىم-جومارت توقايەۆ وسىلاي دەدى، دەپ حابارلايدى Almaty-akshamy.kz.
«نىشاندارىمىز بىرەگەي ۇلتتىق كودىمىزدى ناقتى ءارى ايقىن كورسەتۋى كەرەك. مەن جاقىندا اسسامبلەيا سەسسياسىندا ەلىمىزدىڭ گەرالديكا بەلگىلەرىن جەتىلدىرۋ قاجەتتىگى تۋرالى ايتتىم. الدىمەن ايماقتاردىڭ جانە قالالاردىڭ تاڭباسىن ءبىرىڭعاي ۇلگىگە كەلتىرۋ كەرەك دەپ سانايمىن»، - دەدى پرەزيدەنت.
مەملەكەت باسشىسى ءقازىر ولاردىڭ كوبىنىڭ مازمۇنى جانە ءپىشىنى اركەلكى ەكەندىگىنە نازار اۋدارتتى.
«سوعان بايلانىستى قوعامدا ءجيى سىن دا ايتىلادى. بۇل سالاعا مۇقيات تالداۋ جاساپ، ورتاق ۇستانىمدار ازىرلەۋ قاجەت. ايماقتىق نىشانداردى ازىرلەۋ جانە بەكىتۋ ءتارتىبىن بارلىق وڭىرگە بىردەي ەتىپ، رەتكە كەلتىرگەن ءجون»، - دەدى قاسىم-جومارت توقايەۆ.