مەملەكەتتىك ءنومىردى دە قولدان جاسايدى...

تۇركىستان وبلىسىنىڭ پوليسەيلەرى مەملەكەتتىك نومىرلەردى قولدان جاساعان سەحتى انىقتادى

تۇركىستان وبلىسىنىڭ پوليسەيلەرى  103 نومىرلىك بەلگىنى، 100-دەن استام گولوگراممالىق جاپسىرمالاردى جانە ءنومىر جاساۋعا ارنالعان ارنايى ستانوكتى تاپتى، – دەپ حابارلايدى almaty-akshamy.kz Polisia.kz. سىلتەمە جاساپ.

تۇركىستان وبلىسى پوليسيا دەپارتامەنتىنىڭ ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى جەدەل-ىزدەستىرۋ ءىس-شارالارى بارىسىندا كولىك قۇرالدارى ءۇشىن جالعان مەملەكەتتىك نومىرلىك بەلگىلەردى زاڭسىز دايىنداعان سەحتى انىقتادى.

ماسەلەن، سامارا – شىمكەنت تاس جولىندا جەدەل ۋاكىلدەر جەرگىلىكتى پوليسيا قىزمەتىمەن بىرلەسىپ جۇرگىزگەن جەدەل شارالار كەزىندە نيۆا اۆتوكولىگىنىڭ مەملەكەتتىك ءنومىرى جالعان بولۋى مۇمكىن ەكەنىنە كۇمانداندى.

پوليسەيلەر تەز ارادا جەدەل ارەكەت ەتىپ، كولىك نومىرىنە قاتىستى جۇمىستاردى اتقارا باستايدى. وسىلايشا ولار كولىكتىڭ جۇرگىزۋشىسىنە تاققان ءنومىرىنىڭ باسقا ادامعا تىركەلگەنىن ايتىپ، تۇسىندىرەدى. ودان ءارى قاراي قىراعىلىق تانىتقان ساقشىلار ارنايى جوسپار قۇرىپ، جەدەل-ىزدەستىرۋ جانە ارنايى ءىس-شارالار كەشەنىن وتكىزەدى.

ناتيجەسىندە شىمكەنت قالاسىندا مەملەكەتتىك نومىرلەردى قولدان جاساپ جاتقان سەحتى انىقتاپ، ونىڭ يەسى رەتىندە جەرگىلىكتى تۇرعىندى ۇستادى.

ءتىنتۋ كەزىندە پوليسيا قىزمەتكەرلەرى 103 نومىرلىك بەلگىنى، 100-دەن استام گولوگراممالىق جاپسىرمالاردى جانە ءنومىر جاساۋعا ارنالعان ارنايى ستانوكتى تاپتى. بۇل فاكت ق ر قك-نىڭ 386-بابى 1-بولىگى بويىنشا تىركەلدى. بولعان وقيعانىڭ بارلىق جايى انىقتالىپ جاتىر.