ۇلتتىق ستاتيستيكا بيۋروسى 2023 جىلدىڭ شىلدەسىندە تەمەكىنى تۇتىنۋ بويىنشا ەرەسەك تۇرعىندار اراسىندا جىل سايىنعى كەزەكتى ساۋالناما جۇرگىزدى، دەپ حابارلايدى almaty-akshamy.kz
زەرتتەۋ رەسپۋبليكانىڭ بارلىق وبلىسىندا، استانا، الماتى جانە شىمكەنت قالالارىندا جۇرگىزىلدى. ساۋالناما سۇراقتارىنا 15 جاستان اسقان 11 829 ءۇي شارۋاشىلىعىنىڭ ءبىر مۇشەسى جاۋاپ بەردى.
ناتيجەسىندە زەرتتەلگەن ءۇي شارۋاشىلىعى مۇشەلەرىنىڭ جالپى سانىنان قازىرگى ۋاقىتتا حالىقتىڭ 19،4% (2022 جىلى – 20،4%) نەمەسە ەرلەردىڭ 36%، ايەلدەردىڭ 8،5% تەمەكى تارتادى. اۋىلدىق جەرلەردە تەمەكى تارتاتىنداردىڭ ۇلەسى – 19،6%، قالالىق جەرلەردە – 19،3%. تەمەكى تارتاتىن حالىقتىڭ جالپى سانىنىڭ 92،3% ونەركاسىپتە وندىرىلگەن تەمەكىنى تارتادى.
تەمەكى شەگۋشىلەر تاراپىنان ۇيلەرىندە تەمەكى ءتۇتىنىن جۇتاتىن حالىقتىڭ ۇلەسى – 12،4%، ونىڭ 11،8% – تەمەكى تارتپايتىندار. جۇمىس ورنىندا تەمەكى ءتۇتىنىنىڭ اسەرىنە ۇشىرايتىندار ۇلەسى – 7،6%، ونىڭ 7،1% تەمەكى تارتپايتىندار. قوعامدىق تاماقتانۋ ورىندارىندا ساۋالناماعا قاتىسقان رەسپوندەنتتەردىڭ 12،3% تەمەكى ءتۇتىنىنىڭ اسەرىنە ۇشىراعان، ونىڭ 11،6% – تەمەكى تارتپايتىندار.
تەمەكى ونىمدەرىن تۇتىنۋ – قاتەرلى اۋرۋلاردى تۋدىرادى دەپ ەسەپتەيتىن رەسپوندەنتتەردىڭ ۇلەسى 86،7%، سونىمەن بىرگە وتباسى مۇشەلەرىنىڭ تەمەكى ونىمدەرىن تۇتىنۋىنا قارسى بولعان رەسپوندەنتتەردىڭ ۇلەسى نەبارى 6،8%. بارلىق جەردە تەمەكى تارتۋعا تولىق تىيىم سالاتىن زاڭنامالىق باستامالاردىڭ ەنگىزىلۋىنە ساۋالناماعا قاتىسقان رەسپوندەنتتەردىڭ 71،8% قولداۋ ءبىلدىردى.
2022 جىلمەن سالىستىرعاندا 2023 جىلى تەمەكى تارتاتىن رەسپوندەنتتەردىڭ ۇلەسى 29-38 جاس توبى ىشىندە ءوستى، قالعان جاس توپتارىندا كەرىسىنشە تومەندەدى.
* ۇلتتىق ستاتيستيكا بيۋروسى ەلدەگى ەرەسەك حالىقتىڭ تەمەكى تۇتىنۋى بويىنشا زەرتتەۋدى دۇنيەجۇزىلىك دەنساۋلىق ساقتاۋ ۇيىمىنىڭ «ەرەسەك حالىقتىڭ تەمەكى تۇتىنۋى» (اعىلش. - GATS). بويىنشا جاحاندىق زەرتتەۋدىڭ حالىقارالىق ءادىسناماسىنا سايكەس قازاقستان رەسپۋبليكاسى دەنساۋلىق ساقتاۋ مينيسترلىگىنىڭ ۇسىنىسى بويىنشا 2020 جىلدان باستاپ جۇرگىزەدى.