قايتارىلعان جەرلەردى جەرگىلىكتى اتقارۋشى ورگاندار بولەدى.
الماتى وبلىسىنىڭ سىبايلاس جەمقورلىققا قارسى قىزمەتى قىركۇيەكتەن باستاپ قازىرگى ۋاقىتقا دەيىن جالپى اۋدانى 35.5 مىڭ گەكتار بولاتىن 20 پايدالانىلمايتىن جەر ۋچاسكەسىن مەملەكەت مەنشىگىنە قايتاردى، - دەپ حابارلايدى Almaty-akshamy.kz
اتالعان جەرلەر جەرگىلىكتى اتقارۋشى ورگانداردىڭ قىزمەتىندە بيزنەس ءۇشىن جەر ۋچاسكەلەرىن ءبولۋ جانە قولجەتىمدىلىك ماسەلەلەرى بويىنشا جەمقورلىق تاۋەكەلدەرىنە جۇرگىزىلگەن سىرتقى تالداۋ شەڭبەرىندە انىقتالعان.
"وسىلاي الماتى وبلىسىنىڭ مامانداندىرىلعان اۋدانارالىق سوتىنىڭ شەشىمدەرىمەن مەملەكەت مەنشىگىنە ەڭبەكشىقازاق اۋدانى بويىنشا اۋدانى 247،4 گەكتار 1 ۋچاسكە، جامبىل اۋدانى بويىنشا اۋدانى 29.2 مىڭ گەكتار 8 ۋچاسكە، ىلە اۋدانى بويىنشا اۋدانى 931.6 گەكتار 1 ۋچاسكە، قاراساي اۋدانى بويىنشا اۋدانى 7 گەكتار 1 ۋچاسكە، كەگەن اۋدانى بويىنشا اۋدانى 1.5 مىڭ گەكتار 1 ۋچاسكە، تالعار اۋدانى بويىنشا اۋدانى 558.1 گەكتار 1 ۋچاسكە جانە قونايەۆ قالاسى بويىنشا اۋدانى 2.9 مىڭ گەكتار 7 ۋچاسكە قايتارىلدى"، - دەلىنگەن حابارلامادا.
جالپى جىل باسىنان بەرى مەملەكەت مەنشىگىنە اۋىل شارۋاشىلىعى ماقساتىنداعى اۋدانى 51.4 مىڭ گەكتار 55 جەر ۋچاسكەسى قايتارىلعان.