اشىلىپ جاتقان جۇمىس ورىندارىنىڭ دەنى كاسىپكەرلىك سالاسىندا.
قازاقستاندىقتاردى ەڭبەكپەن قامتۋ باعىتىندا بىرنەشە مەملەكەتتىك جوبا ىسكە اسىپ جاتىر. تولىعىراق ق ر ەڭبەك جانە حالىقتى الەۋمەتتىك قورعاۋ ۆيسە-مينيسترى ولجاس وردابايەۆ ايتىپ بەردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«حالىقتى ەڭبەكپەن قامتۋ مەملەكەت باسشىسىنىڭ تاپسىرماسىنا سايكەس ءاربىر 10 مىڭ تۇرعىنعا 100 جاڭا جۇمىس ورنىن اشۋ جوباسى، سونىمەن قاتار مەملەكەتتىك سۋبسيديا ارقىلى جانە بوساعان جۇمىس ورىندارىن پايدالانۋ ارقىلى ىسكە اسىپ جاتىر. بيىل 10 ايدىڭ قورىتىندىسى بويىنشا 230 مىڭعا جۋىق ادام ۇلتتىق جوبا اياسىندا ەڭبەكپەن قامتىلعان. ونىڭ ىشىندە 182،9 مىڭى - مەملەكەت سۋبسيديالايتىن جۇمىس ورىندارى. 181 مىڭعا جۋىق شاعىن جانە ورتا بيزنەس سالاسىندا 261 مىڭنان استام ادام جۇمىسپەن قامتىلدى»، - دەدى ولجاس وردابايەۆ ورتالىق كوممۋنيكاسيالار قىزمەتى الاڭىندا وتكەن باسپا ءسوز ءماسليحاتىندا.
سونىمەن قاتار ۆيسە-مينيستر كەلتىرگەن دەرەككە سايكەس، 273،5 ادام بوساعان جۇمىس ورىندارى ەسەبىنەن ەڭبەكپەن قامتىلدى.
«ۇلتتىق جوبا اياسىندا اشىلىپ جاتقان جاڭا جۇمىس ورىندارىنىڭ دەنى كاسىپكەرلىك سالاسىندا. اتاپ ايتقاندا، 15 مىڭعا جۋىق جۇمىس ورنى «قۋاتتى وڭىرلەر - ەل دامۋىنىڭ درايۆەرى» جوباسى اياسىندا اگروونەركاسىپتىك كەشەندى دامىتۋ بويىنشا 10 مىڭنان استام، "ءبىلىمدى ۇلت" جوباسى بويىنشا 7،8 مىڭ جۇمىس ورنى، «جاسىل قازاقستان» جوباسى بويىنشا 3،7 مىڭ، ۇلتتىق "رۋحاني جاڭعىرۋ" جوباسى اياسىندا 3،3 مىڭ، "دەنى ساۋ ۇلت" جوباسى اياسىندا 790 ادام ەڭبەكپەن قامتىلىپ وتىر»،- دەيدى ول.