ماماندار اسكەريلەردىڭ باسىندا بار ماسەلەنى ايتتى.
اسكەردەگى ەڭ ۇلكەن ماسەلە قانداي؟ بۇل سۇراققا جاۋاپتى قورعانىس مينيسترلىگى باق-پەن جۇمىس باسقارماسىنىڭ باستىعى رۋسلان جانگۋلين ايتتى، دەپ حابارلايدى Almaty-akshamy.kz Baq.kz سىلتەمە جاساپ.
«ارينە، ماسەلەلەر بار. قازىرگى تاڭدا وڭتايلى جولمەن شەشىلىپ جاتىر. ەڭ باستى ماسەلەنىڭ ءبىرى - باسپانا. ويتكەنى ءاربىر اسكەري الاڭسىز قىزمەت ەتۋ ءۇشىن ونىڭ باسپاناسى بولۋى قاجەت. ازامات «قاي جەردە تۇرامىن، قاي جەردە جۇرەمىن» دەپ الاڭداماۋى ءتيىس. وسىعان دەيىن ولاردىڭ وتباسى مۇشەلەرىن ءتيىستى تۇرعىلىقتى جەرلەرى بويىنشا جۇمىسپەن قامتۋ، بالاسىن بالاباقشاعا ورنالاستىرۋ ماسەلەسى تۋىندايتىن ەدى. ول ءبىزدىڭ «اسكەري قىزمەت جانە اسكەرلەردىڭ مارتەبەسى تۋرالى» زاڭعا سايكەس، شەشىلىپ جاتىر. اسىرەسە، 2018 جىلدان باستاپ اتالعان زاڭعا وزگەرىستەر ەنگىزىلدى. جالپى، باسپانا ماسەلەسى تولىقتاي شەشىلدى دەپ ايتۋعا تولىق نەگىز بار. نەگە دەسەڭىز، بۇرىن اسكەري قىزمەتكەرلەر كوبىنە پاتەردى جالداپ كەلدى، سول ءۇشىن اقشا تولەگەن بولاتىن. 2018 جىلى باستاپ ءاربىر اسكەري قىزمەتشىنىڭ بانكتەگى ەسەپشوتىنا اقشا اۋدارىلادى. ياعني، ءاربىر ايماقتىڭ ءوزىنىڭ ارنايى تولەماقىسى بولادى. مەملەكەت اسكەري قىزمەتشىلەردى جۇمىسپەن قامتىپ، ولاردىڭ بالالارىن كەزەكتەن تىس بالاباقشاعا ورنالاستىرادى»، - دەدى مامان.
سونىمەن قاتار سپيكەر اسكەري قىزمەتشىلەردىڭ جالاقىسى وسەتىنىن ايتتى.
«2021-2023 جىلدار ارالىعىندا اسكەريلەردىڭ جالاقىلارى 70 پايىزعا دەيىن ۇلعايادى»، - دەدى رۋسلان جانگۋلين.