كەلەسى اپتادا قاسىم-جومارت توقايەۆتىڭ ەكى ەل پرەزيدەنتتەرىمەن كەزدەسۋى جوسپارلانعان.
قاسىم-جومارت توقايەۆ 28 قاراشا كۇنى رەسمي ساپارمەن رەسەي فەدەراسياسىنا بارادى. بۇل جايىندا پرەزيدەنتتىڭ باسپا ءسوز قىزمەتىنەن ءمالىم بولدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
مەملەكەت باسشىسى ماسكەۋدە رەسەي پرەزيدەنتى ۆلاديمير پۋتينمەن كەلىسسوز جۇرگىزەدى. سونداي-اق ەكى ەل باسشىلارى قازاقستان مەن رەسەيدىڭ ءوڭىرارالىق ىنتىماقتاستىق فورۋمىنىڭ جۇمىسىنا بەينەبايلانىس رەجيمىندە قاتىسادى.
29-30 قاراشا كۇندەرى قازاقستان پرەزيدەنتى فرانسياعا رەسمي ساپارمەن بارادى. قاسىم-جومارت توقايەۆ پاريجدە فرانسيا پرەزيدەنتى ەممانيۋەل ماكرونمەن كەلىسسوز جۇرگىزەدى دەپ جوسپارلانىپ وتىر. كەلىسسوز بارىسىندا ساۋدا-ەكونوميكالىق، ينۆەستيسيالىق جانە گۋمانيتارلىق سالالارداعى ستراتەگيالىق سەرىكتەستىكتى دامىتۋ پەرسپەكتيۆالارى تالقىلانادى.
سونىمەن قاتار مەملەكەت باسشىسى فرانسيانىڭ ىسكەر توپتارى وكىلدەرىمەن ءبىرقاتار كەزدەسۋ وتكىزەدى.