مەملەكەتتىك فەلدەگەرلىك قىزمەت وكىلدەرى وزدەرىنىڭ كاسىبي مەرەكەلەرىن اتاپ ءوتتى، دەپ حابارلايدى اlmaty-akshamy.kz Polisia.kz سىلتەمە جاساپ.
قازاقستان رەسپۋبليكاسىنىڭ مەملەكەتتىك فەلدەگەرلىك قىزمەتى 1991 جىلى ۇكىمەت قاۋلىسىمەن قۇرىلدى.
بۇل قىزمەتتىڭ باستى مىندەتى – اسا ماڭىزدى جانە قۇپيا حات-حابارلاردى جەتكىزۋ، سونداي-اق، باسقا مەملەكەتتەردىڭ فەلدەگەرلىك قىزمەتتەرىمەن ءوزارا بايلانىستا بولۋ. فەلدەگەرلەر مەملەكەتتىك مەكەمەلەردىڭ، جوعارى بيلىك پەن باسقارۋ ورگاندارىنىڭ جانە جوعارى اسكەري قولباسشىلىقتىڭ قۇجاتتارىن جەتكىزەدى.
مەرەكە كۇنى فەلدەگەرلىك قىزمەتتىڭ قىزمەتكەرلەرى مەن ارداگەرلەرى ماراپاتتالدى. سالتاناتتى شاراعا پرەزيدەنت اكىمشىلىگىنىڭ، پرەمەر-مينيستر كەڭسەسىنىڭ، ۇلتتىق قاۋىپسىزدىك كوميتەتىنىڭ جانە ىشكى ىستەر مينيسترلىگىنىڭ وكىلدەرى قاتىستى.
كوپشىلىك فەلدەگەر ماماندىعىنىڭ بار ەكەنىن، ونىڭ قىر-سىرى نەدە ەكەنىن تۇسىنە بەرمەيدى. سوعان قاراماستان، مەملەكەتتىك ماڭىزى بار حات-حابارلاردى جەتكىزۋ – بۇل كوپتەگەن داعدىلار مەن ۇلكەن جاۋاپكەرشىلىكتى قاجەت ەتەتىن قىزمەت ەكەنىن ۇعۋ قيىن ەمەس.
اتاۋلى كۇندە ماراپاتتالعانداردىڭ ءبىرىنىڭ ايتۋىنشا، فەلدەگەرلىك قىزمەت قىزمەتكەرلەرى ءوزىن-وزى قورعاۋ داعدىلارىنا يە بولۋى كەرەك، اتىس قارۋىن قولدانا ءبىلۋى قاجەت جانە شابۋىل بولعان جاعدايدا وزىنە جۇكتەلگەن حاباردى نەمەسە قۇجاتتى كەز كەلگەن جولمەن قورعاۋعا دايىن بولۋى شارت.
“بۇل قىزمەتتە ادام پسيحولوگيالىق سيپاتتاعى قاسيەتتەرگە يە بولۋى كەرەك. سونىمەن قاتار ءبىلىمدى جانە زاڭدى جاقسى مەڭگەرگەن بولۋى قاجەت. فيزيكالىق كورسەتكىشتەر دە وتە ماڭىزدى. نەگە دەسەڭىز، ءبىز اسا ماڭىزدى قۇجاتتارمەن جۇمىس ىستەيمىز. بىزگە سەنىپ تاپسىرىلعان قۇجات اۆتوماتتى تۇردە ءتيىستى ادامنىڭ قولىنا جەتۋى قاجەت. قىزمەت بارىسىندا ءارتۇرلى جاعدايلار كەزدەسۋى مۇمكىن، سوعان دايىن بولۋ كەرەك”، – دەپ اتاپ ءوتتى تۇركىستان قالاسى مفق باستىعى ساپارعالي ءسابيتوۆ.