الماتىدا 50 وتباسىعا ارنالعان «مەيىرىم مەكەنى» دەپ اتالاتىن ورتالىق پايدالانۋعا بەرىلدى. عيمارات جەكە كاسىپكەردىڭ قارجىسىنا سالىندى، دەپ حابارلايدى اlmaty-akshamy.kz 24 kz سىلتەمە جاساپ.
بۇل ۇيدە قيىن جاعدايعا تاپ بولعان وتباسىلار مەن جالعىزباستى انالار تەگىن تۇرادى. كوممۋنالدىق تولەمگە دەيىن كاسىپكەردىڭ ءوزى تولەيدى.
عيمارات ءۇش جىل ىشىندە بوي كوتەردى. ونى سالعان كاسىپكەردىڭ اناسىنىڭ ايتۋىنشا، مۇقتاج جاندارعا كومەك كورسەتۋ وتباسىنىڭ ورتاق شەشىمى ەكەن.
«مەيىرىم مەكەنىنەن» كىمدەرگە ورىن بەرىلەتىنىن قازاقستان مۇسىلماندارى ءدىني باسقارماسىنىڭ جانىنان قۇرىلعان كوميسسيا شەشەدى. اۋەلى 5 جىلعا كەلىسىمشارت جاسالادى. تۇرعىندار وسى ۋاقىت ىشىندە جۇمىس ىستەپ، جاعدايىن تۇزەۋگە ۇمتىلۋى ءتيىس.
«مەيىرىم مەكەنى» ۇيىندە تۇرمىسقا قاجەتتى دۇنيەنىڭ ءبارى بار. توسەك-ورىن، ىدىس-اياق، تۇرمىستىق تەحنيكالىق زاتتار دا الىنعان. بۇعان قوسا اپتاسىنا ەكى رەت وزگە دە كاسىپكەرلەردىڭ دەمەۋشىلىگىمەن ازىق-تۇلىك تاراتىلادى.