مەملەكەتتىك ب ا ق قۇرالدارىندا ەڭبەك ەتەتىن قىزمەتكەرلەردىڭ ايلىعى وسەدى. اقپارات جانە قوعامدىق دامۋ ۆيسە-مينيسترى قانات ىسقاقوۆ ايتتى، دەپ حابارلايدى Almaty-akshamy.kz.
«مەملەكەتتىك ب ا ق قۇرالىندا جۇمىس ىستەيتىن جۋرناليستەردىڭ 2023 جىلى، 2024 جانە 2025 جىلدارى جالاقىسى كوبەيەدى. بيىل 30 پايىزعا، كەلەسى جىلى دا 30 پايىزعا، ال 2025 جىلى 20 پايىزعا ارتپاق. اتالعان ماسەلە بۇگىندە شەشىلدى، ول ءۇشىن قاراجات بار»، - دەدى قانات ىسقاقوۆ ماجىلىستە «ماسس-مەديا» تۋرالى زاڭ جوباسىن تالقىلاۋ بارىسىندا.
سونداي-اق، ۆيسە-مينيستر وڭىرلىك باسپا ءسوز قۇرالدارىنىڭ بۇگىنگى جاعدايىنا توقتالىپ ءوتتى، دەپ جازدى قازاقپارات.
«جاڭا زاڭ جوباسىندا وڭىرلىك ب ا ق ارنالعان گرانت قاراستىرىلعان. ول قايتارىمسىز ءارى قارجى تۇرىندە بەرىلەدى. ماقسات – وڭىرلىك باسپا ءسوز قۇرالدارىن دامىتۋ. سونىمەن قاتار بۇگىندە ۇلتتىق ەكونوميكا مينيسترلىگىمەن بىرگە ب ا ق ءۇشىن قوسىلعان قۇن سالىعىن الىپ تاستاۋ جاعىن قاراستىرىپ جاتىرمىز. ياعني ب ا ق قوسىلعان قۇن سالىعىنان بوساتىلادى»، - دەيدى ول.