ۇكىمەت وتىرىسىنان كەيىن ب ا ق وكىلدەرىنىڭ ساۋالىنا جاۋاپ بەرگەن ەكولوگيا جانە تابيعي رەسۋرستار ءمينيسترى ءزۇلفيا سۇلەيمەنوۆا ءوزىنىڭ وتستاۆكاسىنا قاتىستى پىكىر ءبىلدىردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«قازىرگى تاڭدا باس پروكۋراتۋرا تەرگەۋ امالدارىن جۇرگىزىپ جاتىر. ەگەر ونىڭ بارىسىندا جۇمىسىما قاتىستى ساۋالدار تۋىندايتىن بولسا، وندا ول ءۇشىن ءبىز جاۋاپكەرشىلىككە تارتىلۋعا ءازىرمىز»، - دەپ پىكىر ءبىلدىردى ءزۇلفيا سۇلەيمەنوۆا.
سونىمەن قوسا ۆەدومستۆو باسشىسى سەمەي ورمانىنداعى ءورتتى جەدەل اۋىزدىقتاۋعا كەدەرگى بولعان جاعدايلارعا دا توقتالدى.
«اباي وبلىسىنداعى ءورت وقيعاسىنا ماتەريالدىق-تەحنيكالىق بازانىڭ تومەندىگى دە اسەر ەتتى. ءقازىر قولدانىستاعى تەحنيكالاردى ەسەپتەن شىعارۋ قاجەت»، - دەپ جاۋاپ بەردى مينيستر ب ا ق وكىلدەرىنىڭ ساۋالىنا وراي.